Ang 25-year-old Thai-Canadian beauty na si Jennifer Paweensuda Saetan-Drouin ang official representative ng Thailand sa 68th edition ng Miss Universe na magaganap sa December 2019.
Limampu't pitong kandidata ang tinalo ni Drouin sa coronation na ginanap kagabi, June 29, sa Thunder Dome, Muang Thong Thani, Thailand.
Hindi baguhan si Drouin sa pagsali sa mga beauty pageant dahil 1st runner up siya sa Miss Thailand noong 2013 at second runner up sa Miss Universe Thailand 2017.
Noong 2017, si Drouin ang appointed candidate ng Thailand sa Miss Earth na ginanap sa Mall of Asia Arena, Pasay City.
Nakapasok si Drouin sa Top 8 candidates ng Miss Earth 2017, samantalang si Karen Ibasco ng Pilipinas ang nanalo.
Special guest sa final competition ng Miss Universe Thailand 2019 ang reigning Miss Universe na si Catriona Gray.
May soft spot sa puso ni Catriona ang Bangkok, Thailand, dahil dito natupad noong December 16, 2018 ang kanyang pangarap na maging Miss Universe.
Muling bumalik si Catriona sa Thailand, anim na buwan matapos na manalo siyang Miss Universe 2018 para koronahan ang bagong Miss Universe Thailand.
"I have been counting down the days since I got to come back to the beautiful country of Thailand because it is so so special for me, because it was here I was crowned your Miss Universe in 2018.
"Being back in Thailand, seeing all your beautiful people, I’m so so happy," ang pahayag ni Catriona.
Nang tanungin tungkol sa payo niya sa mananalong Miss Universe Thailand 2019 crown, sumagot si Catriona ng, "I have no doubt that anyone of you would represent your country of Thailand in an amazing way. The advice that I will give to our new Miss Universe Thailand 2019 would be to enjoy the journey, your life will change in an instant, and you really need to be present, enjoy it, and find your purpose in it—why are you doing this. And I know you will raise the Thailand flag high."