Sa July 11, 2019 ang announcement sa walong pelikula na opisyal na kalahok sa Pista ng Pelikulang Pilipino na magaganap simula September 13 hanggang September 19.
Pero may mga naglabas na ng diumano’y kumpletong listahan sa kabila ng naunang pahayag ng selection committee na tatlo pa lamang ang tiyak na kasali:
-
Cuddle Weather ng Regal Entertainment Inc. at Project 8 corner San Joaquin Projects
-
Panti Sisters ng The Idea First Company, at
-
Last Song Syndrome ng Globe Studios
Ang I’m Ellenya L. ng Spring Films, Open ng Blacksheep at T-Rex Entertainment, Watch Me Kill (na pinagbibidahan nina Jean Garcia at Jay Manalo), Lola Igna at G-Mcoy ang lima sa mga pelikulang sinasabing kukumpleto sa eight official entries ng Pista ng Pelikulang Pilipino na pinabulaanan ng isang insider dahil hindi pa umano tapos sa pagpili ang selection committee.
Naglabas din ng official statement ang screening committee ng PPP tungkol sa isyu.
“As of this moment, there are only 3 films officially included in PPP 2019. These are: (a) LSS (b) Cuddle Weather and (c) Panti Sisters.
“The others to be included in the September festival will be OFFICIALLY announced on 11 July 2019.
“The Selection Committee has yet to confirm with other stakeholders in the festival regarding the titles of the other films to be listed in the celebration.”
Nadagdagan ang intriga sa 3rd edition ng Pista ng Pelikulang Pilipino dahil sa akusasyon na dalawa sa pelikula na opisyal na kalahok ang lumabag sa breach of confidentiality.
