Walang binanggit na pangalan si Bea Alonzo sa cryptic post nito sa kanyang Instagram account, pero marami ang nag-assume na para ito sa boyfriend niyang si Gerald Anderson.
Ang cryptic post ni Bea ang dahilan para makatikim ng mga masasakit na salita si Gerald mula sa fans na naniniwalang hindi siya naging tapat sa relasyon nila ng kanyang girlfriend.
Ang congratulatory message ni Gerald sa kanyang Instagram account para kay Senator Manny Pacquiao dahil sa panalo nito sa laban kay Keith Thurman ang ginamit ng fans sa paglalabas ng galit laban sa aktor.
Tinawag nila itong "cheater," "manloloko," at iba pang masasakit na salita, kahit hindi malinaw kung sino ang taong pinatutungkulan ng cryptic post ni Bea.
Nadadamay sa isyu si Julia Barretto dahil ito ang pinagbibintangan na diumano’y third party sa relasyon nina Gerald at Bea.
Number three sa trending topic ngayon sa Twitter si Gerald dahil sa mga alegasyong namamangka siya sa dalawang ilog.
Naglabasan na rin ang mga litrato nina Julia at Gerald na kuha sa 30th birthday party ni Rayver Cruz na ginanap kagabi, July 20.
Ni-like ni Bea Alonzo ang Instagram post na magkasama sila ni Joshua Garcia sa litrato at may caption na: “Both of you deserve better... I just want to say to @garciajoshuae that you are truly a gentleman because on your interviews you never said something against her. What you did was you protect her even you are in pain of what @juliabarretto did. God Bless you, I pray that you @garciajoshuae and @beaalonzo will get through this pain.”
Like din si Bea sa ibang Instagram posts na may litrato nina Gerald at Julia na magkasama at may caption tungkol sa dishonesty ng boyfriend niya.
Pinangalanan na rin ang blind item tungkol sa aktor at aktres na palihim na nagkikita sa bahay ng isang aktres.
May mga nagsabi na, diumano, sina Julia at Gerald ang mga subject ng blind item na nagdadawit sa pangalan ni Erich Gonzales.