Ang cute reaction ni Erwan Heussaff sa tweet reply ng Korean superstar na si Park Bo Gum ang itinanong ng Cabinet Files kay Anne Curtis sa presscon ng Just A Stranger ng Viva Films, na naganap sa isang events place sa Quezon City kagabi, July 31.
"Ang haba ng hair mo," ang reaksiyon ni Erwan sa Twitter post ni Anne noong July 28 na sinagot ni Park Bo Gum.
Personal na magkakilala sina Park Bo Gum at Anne dahil ang aktres ang host ng fan meet ng Korean superstar sa MOA Arena noong June 2019.
Noong weekend, nagpunta si Anne sa Korea, nagpakuha siya ng litrato na katabi ng standee ni Park Bo Gum.
Nilagyan niya ito ng caption na "Look who I bumped into in Seoul. Annyeong."
Naka-tag dito ang sikat na Korean actor.
Look who I bumped into in Seoul! Annyeong @BOGUMMY ???? pic.twitter.com/uyDWpwx9kl
— Anne Curtis-Smith (@annecurtissmith) July 28, 2019
Apologetic si Park Bo Gum nang sumagot siya sa tweet ni Anne.
Aniya, “Sorry for my late response! When did you come to Korea? Having a good time here?
"I’m shooting a movie these days.
"Though the weather is too hot, I hope you can fully enjoy the time while staying in Korea.
"Thank you for saying hi to me."
Sinagot din ni Anne ang mensahe ni Park Bo Gum para sa kanya.
Sinabi niya, "I was in Korea for a music festival. Had an amazing time. It was so hot & rainy.
"Wishing you the best while you shoot your movie. I am shooting a new movie here in the Philippines too.
"We can’t wait to watch your new movie Seo Bok! Always take care & God bless you!"
Ang palitan nina Anne at Park Bo Gum ng mensahe ang dahilan ng "Ang haba ng hair mo" reaction ni Erwan na nagpakilig sa supporters nila.
Hahaha. Gomawo ?????? https://t.co/5JT9lrKS6u
— Anne Curtis-Smith (@annecurtissmith) July 30, 2019
"Unang-una, nagulat ako na alam niya yung mga terminology na ganyan kaya sumagot ako ng 'Gomawo' [Korean polite word for thank you]," sabi ni Anne tungkol kay Erwan nang makausap siya ng Cabinet Files sa presscon ng Just A Stranger.
"So, nakakaaliw because he’s super supports my fan girling.
"In fact, there’s a new series I’m watching, Her Private Life, alam niyo ba yun?
"Korean din and it’s about fan girling, basta yun ang life story ko. Hahahaha!"
Isang Korean TV series ang Her Private Life na may 16 episodes at napanood sa TvN Korea mula April 10, 2019 hanggang May 30, 2019.