Nagpapasalamat si Marco Gumabao sa lahat ng mga tumangkilik sa Just A Stranger dahil natupad ang kanyang 25th birthday wish noong August 14, 2019.
Ito ay maging certified blockbuster ang sexy-drama movie nila ni Anne Curtis.
Nadagdagan ang ligaya na nararamdaman ni Marco dahil pinupuri ng film critics ang performance niya sa Just A Stranger na isang malaking karangalan dahil ngayon pa lamang siya nagbida sa pelikula.
"Nag-workshop kami ni Direk Jason Paul Laxamana nang one-on-one.
"I think we did that for three times so lahat ng major scenes, lahat yun pinraktis na namin.
"Pinag-usapan namin kung paanong atake ang gusto niya na gawin ko.
"Pinakanahirapan ako na eksena, yung sa breakdown scene namin ni Anne, yung nag-aaway kami.
"Yung karakter ko sa Just A Stranger, 19 years old ako.
"Paano ako iiyak as a 19-year-old? Hindi ako puwedeng umiyak as my age.
"Kailangan ko na gawin na may pagka-childish, yung halatang bata itong tao na 'to.
"Yun ang pinaka-challenge.
"Kaya ko na umiyak, madaling umiyak, pero how can you cry looking your age for the movie?"
Tungkol naman sa kanyang performance sa Just A Stranger at ang malakas na on-screen chemistry nila ni Anne, "I’m so happy to hear na malakas ang chemistry namin ni Anne.
"Kami ni Anne, we focused on forming our chemistry off-screen para pagdating sa on-screen, natural na natural talaga."
Nang tanungin tungkol sa kanyang butt exposure sa Just A Stranger, ipinagtapat ni Marco sa Cabinet Files na nanggaling sa kanya ang suggestion na gawin ang naturang eksena.
"Honestly, ako ang nag-suggest.
"Siyempre, down the road, ito naman yung path o pagiging hunk actor na tinatahak ko na landas.
"So, in the future, magpapakita rin ako ng butt, whether I like it or not.
"For me, ito yung best project, first of all, ito yung launching movie ko as a leading man, kasama pa si Miss Anne Curtis, napakaganda ng material.
"So for me, kawalan ko if hindi ko pa dito ibibigay."