Naririto sa bansa ang Canadian actor at former Hollywood heartthrob na si Devon Sawa at ang kanyang pamilya.
Nagbabakasyon sila sa isang popular beach resort sa Palawan, at malaking tulong sa Philippine tourism industry ang mga positive tweet niya tungkol sa ating bansa.
Breath of fresh air ang mga komento ni Devon tungkol sa Pilipinas, na nakasanayan nang siraan ng ilang mga Pilipino na tila wala nang nakikitang maganda sa sariling bayan.
"The Philippines is stunning. Absolutely breathtaking. I’m only three days in, but WOW. What a place,” papuri ni Devon sa Pilipinas.
"I love all the intersections here in the Philippines. Easy to cross the street over here. You just cross the street. No underground maze to deal with. I mean you may run into the odd cranky rooster but other than that, corner to corner, nothing else to it," dagdag na pahayag ni Devon na nakakataba ng puso.
Bago nagbakasyon sa Palawan, nagsadya muna si Devon sa Cebu City at dito niya natikman ang mga pagkain ng isang popular Filipino foodchain.
"Jollibee is wild, man. You can get a burger steak, spaghetti, fried chicken, rice and gravy in one meal. Place is jammed, too,” ani Devon.
Naabutan ni Devon sa Pilipinas ng Typhoon Ursula at nakatanggap din ng emergency text alert mula sa National Disaster Risk Reduction and Management Council (NDRRMC ) kaya nagtanong kung may dapat siyang ikabahala, pero wala ang sagot ng resilient Filipinos na sanay nang makaranas ng iba’t ibang klase ng kalamidad.