Nakakabahala ang rebelasyon ni BB Gandanghari tungkol sa mood swings nito na epekto ng hormone therapy shots para sa male-to-female transition niya.
Ipinagtapat ni BB sa pamamagitan ng YouTube channel nito ang mga hirap na pinagdaraanan para matupad ang kanyang pangarap na maging babae.
Ibinahagi rin ni BB ang pagbabago ng ugali niya kapag nagpupunta siya sa doktor para sa kanyang twice-a-month hormone therapy injection.
"Mahirap in that sense, that is why it is always encouraged, when you have a transgender relatives or friends, you give emotional support because, really, doon nanggagaling yun, because of all the mood swings.
"Nagiging unstable kasi emotionally more than anything else.
"When we talk about hormone replacement program therapy, that’s the biggest… it changes your emotional state.
"That’s where the emotional comfort and support comes in from people who are concerned of the person involved.
"Hindi naman kami naloloka, kaya lang, it’s really the mood swings.
"It kinda affects our reaction, our social interaction to people.
"Kaya hindi naman sa weird, it’s just that we have to deal with those changes physiologically, too.
"We don’t only do the physical change, the change is coming from within, especially if you’re doing the hormone therapy.
"So physiologically, there’s changes, and yun ang what is unseen by the eye is what really the harder part,” bahagi ng salaysay ni BB tungkol sa kanyang mga nararanasan para matupad ang pangarap maging babae.
GOING THROUGH TRANSITION BY HERSELF
Apparently, dumaranas ng depression si BB dahil hindi nito napigilan ang mapaluha sa kanyang hiling na mag-reach out sa mga transgender person na tulad niya na mag-isang hinaharap at sumasailalim sa transition.
Saad niya, "It’s not I’m being parang dramatic but, honestly, it is hard for transgender individual to go through transition by themselves.
"Very difficult kasi you’re very vulnerable emotionally.
"Reach out to them, ask them, because a lot of people, a lot of transgender individual always have a happy face.
"You may call it a mask, but actually for self-preservation.
"So reach out to them, ask them how they’re coping. Ask them if they’re emotionally strong and maybe strengthen them if they’re not.
"You don’t expect them to be strong enough. Let them feel accepted, not tolerated…accepted.
"Tell them from the bottom of your heart they’re mortal enough."
HORMONE PILLS
Hindi dapat ipagwalang-bahala ang pinagdaraanan ni BB dahil isang kaibigan naming babae, na US-based, ang dumanas ng depression nang bigyan ng hormone pills ng kanyang doktor.
Niresetahan ng hormone pills ang aming kaibigan matapos alisin ang kanyang uterus sa pamamagitan ng operasyon.
Mula nang mag-take ng hormone pills ang aming kaibigan, nagkaroon ito ng mood swings.
Bigla na lamang siyang umiiyak nang walang dahilan at, ang pinakamatindi, pumasok sa kanyang isip na mag-suicide dahil sa sobrang kalungkutang nararamdaman.
Hindi matukoy ng doktor ang pinanggagalingan ng depression ng aming kaibigan, na taimtim na nagdasal dahil nahihirapan na siya sa kanyang sitwasyon.
Isang araw, basta na lamang naisip ng aming kaibigan na ihinto ang paggamit ng hormone pills at, mula noon, bumalik sa normal ang ugali niya.
Naging malinaw sa aming kaibigan na may kinalaman ang prescribed hormone pills sa depression niya.
Ang naranasan ng aming kaibigan ang posibleng nangyayari ngayon kay BB, na lumuluhang nagsabi ng: "Sorry, guys, kasi ganito talaga [ako] everytime I would go to… doctor’s visit. That’s when you feel most vulnerable kasi, di ba, may fear all the time? Baka kasi may makita all of a sudden."
Walang ipinagkaiba ang pangambang nararamdaman ni BB sa takot na naranasan ni Bruce Jenner sa male-to-female transition nito noong 65 years old siya.
Dumanas din ng depression si Bruce bago nito niyakap ang bagong katauhan bilang Caitlyn Jenner noong 2015.
Itinuturing ni Caitlyn na isa sa kanyang mga darkest hour ang male-to-female transition niya.
Ten years-younger si Caitlyn kay BB nang mangyari ang transition niya kaya bukod sa hormone therapy injections, possibleng may kinalaman din ang edad ng 54-year-old former Philippine actor, na unang nakilala bilang Rustom Padilla, sa takot na nararamdaman nito.