May kasunduan ang Metro Manila Film Festival (MMFF) organizers, theater owners, at movie producers na hindi sila magre-release ng box-office gross ng walong pelikula na kalahok sa MMFF 2019, pero lumalabas pa rin sa social media ang mga unofficial result.
Noong December 28, 2019, naglabas ng report ang Philippine Box Office tungkol sa third day gross ng Metro Manila Film Festival.
Pero may disclaimer na estimated tally of gross lamang at hindi official, ayon sa kanilang source.
Nanguna ang The Mall, The Merrier (P158 million), pumangalawa ang Miracle in Cell No.7 (P149 million), pangatlo ang 3Pol Trobol: Huli Ka Balbon (P89 million), at Mission Unstapabol: The Don Identity (P31 million) ang report ng Philippine Box Office.
Ngayong umaga, December 31, kumalat sa social media ang balitang tuluyan nang naungusan ng Miracle in Cell No.7 ang The Mall, The Merrier kaya, diumano, ang pelikula na ni Aga Muhlach ang topgrosser sa MMFF 2019.
Ngayong hapon, naglabas sa Facebook ng cryptic post si Noel Ferrer, ang spokesperson ng MMFF.
Aniya, “Congratulations-MIRACLES do happen; and there are more and more theaters for the awarded film na. Thanks to our theater-partners.”
Ang Facebook post ni Noel ang nagbigay ng idea sa publiko na totoo ang balitang nangunguna na sa box-office race ng MMFF 2019 ang pelikula ni Aga, at number two na lamang ang filmfest entry ni Vice Ganda.
Very telling naman ang Instagram post ngayong gabi ng The Philippine STAR entertainment editor na si Ricky Lo tungkol sa ranking at box-office gross ng apat na pelikulang kalahok sa MMFF 2019.
Ayon sa kanyang report: “Miracle in Cell No. 7 star Aga Muhlach can’t seem to believe that he’s the newest MMFF Box Office King.
"'Ha, I’m the King, of what?' Aga asked. Of what kingdom?
"Nope, not of any country but of the 2019 MMFF. Long live the King!!!
"As of Tuesday, December 31, from an unimpeachable/reliable source, 1. Miracle P220 million... 2. The Mall, P213 million... 3. 3Pol Trobol, P57 million... and 4. Mission Unstapabol P51 million…Stay tuned."