Coming Home ang pamagat ng comeback movie ni former Senator Jinggoy Estrada.
Plano itong isali sa Metro Manila Summer Film Festival 2020 na magsisimula sa April 11 at matatapos sa April 21.
Ang Magkaibigan, na official entry sa Metro Manila Film Festival 2008, ang huling pelikula na pinagbidahan ni Jinggoy.
Ang huling acting experience naman ng actor-politician ay ang special appearance niya sa Lorenzo’s Time, ang primetime series ng ABS-CBN noong 2012.
Kaya excited siyang muling umarte sa harap ng kamera.
"I feel so excited about the project since I will be working with multi-awarded actors and actresses," pahayag ni Jinggoy sa Cabinet Files.
"My only fear is that I may not be at par with them in terms of acting since I have been inactive for seven years. Baka kinalawang na."
Ang Maverick Films ang producer at ang ALV Films ang line producer ng Coming Home.
Pamamahalaan ito ng direktor na si Adolf Alix Jr., samantalang si Gina Marissa Tagasa ang sumulat ng kuwento ng pelikula.
Co-stars ni Jinggoy sa Coming Home sina Sylvia Sanchez, Martin del Rosario, Edgar Allan Guzman, Ariella Arida, Shaira Diaz, Vin Abrenica, Janna Agoncillo, Smokey Manaloto, Almira Muhlach, Luis Hontiveros, Chanel Morales, Joko Diaz, at ang comebacking singer-actress na si Geneva Cruz.
May special participation sa Coming Home ang anak ni Jinggoy na si Julian Estrada at ang kanyang half-brother na si Jake Ejercito.