Gusto mo bang lagi kang una sa showbiz news at scoops? Subscribe to our Viber Chatbot now para lagi kang updated!

Subscribe Now

Windmills sa Pililla, Rizal malinaw ring nakunan mula San Pedro, Laguna

by Jojo Gabinete
Apr 17, 2020
Kahit 75 kilometro ang layo ng San Pedro, Laguna sa Pililla, Rizal, malinaw pa ring nakunan ni Jaypee Salaysay ang ipinagmamalaking Pililla Windmills noong Abril 6.
PHOTO/S: Jaypee Salaysay

Nag-viral noong April 1 ang litrato ng windmills sa Pililla, Rizal na kuha ni Donald Pancho mula sa condominium building na tinitirhan niya sa Pasay City.

Marami ang humanga sa picture-perfect windmills dahil malinaw na malinaw itong nakunan ni Donald.

Ito ay kahit 56.2 kilometers ang distansiya sa pagitan ng Pasay City, Metro Manila at Pililla, Rizal.


Continue reading below ↓

Mula nang ipatupad ang Enhanced Community Quarantine sa Luzon, malinaw na nabawasan ang polusyon kaya naging malinis ang hangin.

Mula sa Metro Manila, klarong-klarong makikita ang windmills sa Pililla, ang krus sa Mount Samat sa Bataan, at ang bundok ng Sierra Madre.

Continue reading below ↓
Recommended Videos

VIEW FROM SAN PEDRO, LAGUNA

Sa San Pedro City, Laguna, malinaw ring nakikita ang windmills sa Pililla, Rizal!

Ito ay sa kabila nang mas malayong distansiya—75 kilometers—sa pagitan ng mga nabanggit na siyudad at bayan.

Gamit ang kanyang Huawei P30 Pro cellphone camera, kinunan ni Jaypee Salaysay ng litrato ang Pililla Windmills noong April 6, 3:45 p.m.

Continue reading below ↓

Pumuwesto siya sa mataas na bahagi ng Diocesan Shrine of Jesus in the Holy Sepulchre sa Barangay Landayan, San Pedro City.

Minsan nang nakarating si Jaypee sa Pililla kaya pamilyar na pamilyar siya sa popular landmark ng bayan.

Umakyat si Jaypee sa upper part ng simbahan nang kunan niya ng litrato ang breathtaking scenery para hindi mahagip ng camera ang mga kable sa mga poste.


Continue reading below ↓

Kuwento ni Jaypee sa Cabinet Files, "Nasa simbahan po ako, at noong nasa upper part ako, napansin ko na tanaw na tanaw ang mga windmill kaya naisipan kong kunan ito ng picture.

"Umakyat pa po ako sa mas mataas na lugar upang makakuha ng mas magandang larawan."

Namangha raw si Jaypee sa tanawing tumambad sa kanya.

"Namangha po ako at lubos na natuwa dahil ang laki nang ipinahinga ng Inang Kalikasan.

"Sobrang linis at payapa ng hangin, walang bumabalot na mga usok.

"Feeling ko din po noon, na ang kalikasan, lalo na ang himpapawid, ay talaga namang nakapagbakasyon nang sobra at nakahinga.

"Kaya naman po ay ibinahagi ko ito sa netizens upang makita rin nila yung kagandahan ng paligid sa tuwing nakakapagpahinga ang kalikasan."

Sa kabila nito, may lungkot ding naramdaman si Jaypee.

Alam daw kasi niyang pansamantala lang ang view na kanyang napagmasdan.

"Nalungkot lang din ako dahil siguradong hindi ito magtatagal.

Continue reading below ↓

"Babalik na naman sa dati dahil sa kapabayaan ng tao.

"Pero sana maging hamon ito sa bawat isa, lalo't higit sa pamahalaan," pahayag ni Jaypee nang makausap siya ng Cabinet Files ngayong Biyernes, April 17.

Read Next
Latest Stories

Gusto mo bang lagi kang una sa showbiz news at scoops? Subscribe to our Viber Chatbot now para lagi kang updated!

Subscribe Now
Trending in Summit Media Network

Featured Searches:

Read the Story →
Kahit 75 kilometro ang layo ng San Pedro, Laguna sa Pililla, Rizal, malinaw pa ring nakunan ni Jaypee Salaysay ang ipinagmamalaking Pililla Windmills noong Abril 6.
PHOTO/S: Jaypee Salaysay
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results