Nagdiriwang ang mga estudyante ng Pamantasan ng Lungsod ng Maynila dahil sa magandang balita mula kay Emmanuel Leyco, ang presidente ng unibersidad.
Ang PLM ang alma mater ng comedian na si Michael V., singer na si Aicelle Santos, Manila City Mayor Isko Moreno, at direktor na si Adolf Alix, Jr.
Bukod sa health crisis na nararanasan ng lahat dahil sa COVID-19, nakaapekto ito sa mga mag-aaral na biglang nahinto ang mga klase buhat nang ipatupad ang enforced quarantine sa Luzon noong March 15, 2020.
Sa mga unibersidad sa Metro Manila, ang pamunuan ng PLM ang unang nagdeklara na tatanggap ng pasadong marka ang lahat ng kanilang estudyante.
Base ito sa memorandum na magkaroon ng "Alternative Grading System" para sa second semester ng Academic Year 2019-2020.
Nilagdaan ito ng presidente ng unibersidad noong Miyerkules, April 21, 2020.
Sa pamamagitan ng Facebook post, naglabas din si Leyco ng official statement hinggil sa alternative grading system ng PLM.
Sabi niya, "The Pamantasan ng Lungsod ng Maynila wishes to inform you that in recognition of the extremely serious impact of COVID 19 on the academic life of students, faculty and the academic community as a whole, the PLM Board of Regents has unanimously approved the Alternative Grading System for the Second Semester of the academic school year 2019-2020.
"The grading system will give a grade of 'P' (Passing) mark to all PLM students enrolled in the said semester."
Pero may mga kundisyon na ibinigay si Leyco.
Hindi kasali ang gradong ito sa pag-compute ng general average ng isang estudyante sa kabuuan ng school record nito.
Kailangan pa rin daw isumite ang thesis na required sa graduating students na may klaseng Thesis Writing.
"This grade will not be used to compute a student’s general weighted average, retention or scholarships.
"Students who are required to submit a thesis will still be required to do so but will no longer have to defend before a panel.
"Instead, the approval of the student’s adviser will be sufficient fulfillment of the requirement."
Ang graduating students ng post-graduate degrees ay bibigyan ng isa pang taon para tapusin ang thesis na kailangang isumite ng mga ito.
Para ngayong semestre, nakatakda pa rin daw magtapos ang academic year sa May 23.
Ginagawan na rin daw ng paraan ng pamunuan ng PLM na magkaroon ng virtual set-up para sa patuloy na edukasyon ng mga mag-aaral.
Sabi ni Leyco: "The PLM management and faculty will devote the rest of the time to transition to a virtual, blended and in-class modes of delivering PLM quality education."
Narito ang kabuuang kopya ng nilagdaang memo ni Leyco:
Inaasahan ng mga estudyante mula sa ibang mga unibersidad na magiging considerate din ang kanilang school officials.
Sana raw ay tularan ang ginawa ng presidente ng Pamantasan ng Lungsod ng Maynila.
Umaasa sila na matutupad ang kanilang "sana all" na hiling.