Natupad na ang matagal nang pangarap ni Jackie Forster.
Ito ay ang makitang magkakasama sa iisang litrato ang kanyang limang anak—sina Andre, Kobe, Jared, Caleigh, at Yohan.
Nagdiwang ng 5th birthday ang bunsong anak ni Jackie na si Yohan noong May 22.
Dahil sa enforced quarantine, na epekto ng COVID-19 pandemic, wala siyang mga bisita—maliban sa kanyang mga kuya na sina Andre at Kobe.
Unknown to many, bago pa nangyari ang 5th birthday celebration ni Yohan, madalas nang nakikita nina Andre at Kobe ang kanilang mga kapatid sa ina.
Pero ngayon lamang nag-post si Jackie ng litrato na magkakasama ang mga anak.
Sa mga hindi nakakaalam, mga letra ng tunay na spelling ng palayaw ni Jackie (Jacky) ang umpisa ng mga pangalan ng kanyang anak—J-Jared, A-Andre, C-Caleigh, K-Kobe, at Y-Yohan.
Maligayang-maligaya si Jackie dahil nagkaroon ng katuparan ang kanyang matagal nang ipinagdarasal.
Ito ay ang makitang kumpleto, magkakasundo, at masasaya ang mga anak.
Ni minsan, at kahit noong mga panahong nangungulila siya kina Andre at Kobe, hindi natinag si Jackie sa paniniwalang darating ang araw na magkakasama ang kanyang mga anak.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)