Masayang-masaya ang Filipino-American international model na si Kelsey Merritt dahil lumabas na ang pangalawang pictorial niya para sa coveted Sports Illustrated Swimsuit Issue.
Si Kelsey ang kauna-unahang Pilipina na na-feature sa Rookie List ng Sports Illustrated Swimsuit Issue noong 2019, at naganap ang pictorial niya sa Bahamas.
Sa Zoom conference na ipinatawag ng Viva Artists Agency noong June 24, 2020 para kay Kelsey, ikinuwento ng model na muli siyang nagkaroon ng pictorial para sa Swimsuit edition ng Sports Illustrated noong February 2020, sa Dominican Republic naman.
Dapat ay noong May 2020 ang release ng kanyang second pictorial, pero na-delay ito ng dalawang buwan dahil sa coronavirus-19 pandemic.
Uploaded din sa Instagram account ng SI_Swimsuit ang litrato ni Kelsey na may mensahe mula sa Pampanga-born international model.
Nakasaad dito: "SI Swim is such a powerful and iconic brand that celebrates women of all color, size, age, and ethnicity. Whenever I see them do something groundbreaking that no one else has done before, I am in awe that I get to call this brand my family.
"They continue to shatter ceilings for inclusivity. I am so proud and honored at the same time to be amongst the company of strong, confident women that encourage everyone to be their true authentic self."
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika