Isinugod sa ospital si Senator Bong Revilla Jr. noong Martes, August 18, nang magkaroon siya ng pneumonia dahil sa COVID-19.
Habang nasa hospital room, nagawa pang mag-Facebook Live ni Bong para humingi ng dasal at ipakita ang kanyang kalagayan—ang hirap na hirap na paghinga at pag-ubo niya.
Hindi naka-post sa Facebook page ni Bong ang video niya sa ospital, pero mabilis na kumalat ang kopya nito at umani ng masasakit at malulupit na komento mula sa kanyang mga kritiko.
May mga nag-aksaya rin ng panahong ikalat ang litrato ni Bong na nilagyan ng caption na "Breaking News: Isang Hospital, Nilooban ng Magnanakaw."
Patungkol ito sa kinasangkutan niyang Priority Development Assistance Fund (PDAF) o pork barrel scam, at naging dahilan ng kanyang pagkabilanggo noong June 2014.
Noong December 2018, pinawalang-sala ng Sandiganbayan si Bong sa pagkakadawit niya sa PDAF scam.
Noong May 2019, muli siyang nahalal na senador matapos ang mahigit sa apat na taong pagkakakulong sa Philippine National Police Custodial Center sa Camp Crame, Quezon City.
Ang direktor na si Richard Somes ang isa sa mga nasaktan sa below-the-belt bashing kay Bong.
Sa pamamagitan ng Facebook, inilabas ni Direk Richard ang saloobin: "I know and I understand that you have all your own opinions and stands about this guy always. And I respect it a lot. I [am] never going to argue with you. It is a free country."
Pero bilang isang totoong kaibigan daw, hindi niya iiwan sa ere ang actor-politician.
Pagpapatuloy ng direktor, "But this guy is my true friend. And being a true friend to him, I'm hurt when all of these things are being thrown at him every now and then. The insults, the bashing, the mud slinging. Everything.
"Masakit lang para sa isang kaibigan na makabasa ng ganito para sa kanyang kaibigan. I will stand by him most especially in his ordeal now. So if I will be condemned for being a true friend to him, so be it.
"You can unfriend me too or even insult me. I will still respect that. And I will welcome that with open mind. But I will never give up my friendship with him."
Mensahe pa ni Direk Richard para sa kaibigan, "Be strong Sen Bong. I will always be here."
Nagpasalamat naman si Bryan Revilla kay Direk Richard dahil sa suportang ipinakita nito sa kanyang ama, na nakikipaglaban pa rin sa kasalukuyan sa COVID-19.
Sabi ng panganay na anak nina Senator Bong at Myor Lani Mercado, "Pagdasal na lang natin sila. COVID isn’t a joke and shouldn’t be wished upon anyone. Thank you for standing with us at this time."
Si Somes ang direktor ni Bryan sa "Virgo," isa sa tatlong episodes ng Tres, ang action movie na ipinalabas sa mga sinehan noong October 2018.
Bukod sa Tres, si Somes ang direktor ng mga pelikulang Corazon, Ang Unang Aswang (2012), Supremo (2012), at Cry No Fear, We Will Die Tonight (2018); at ng mga TV series na Bridges of Love (2015), The Story of Us (2016), at A Soldier’s Heart (2020).
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika