Magsisimula sa November 15 ang Netflix streaming ng Alter Me, ang love story at feel-good movie na pinagbibidahan nina Jasmine Curtis Smith at Enchong Dee.
Simula sa November 15, natitiyak naming pag-uusapan at magbabago na ang tingin ng publiko kay Enchong dahil sa performance at sa mga eksena niya sa Alter Me.
Dati nang mahusay na aktor si Enchong pero big revelation siya sa third movie project ng direktor na si RC delos Reyes.
Ang Alter Me ay tungkol sa mga taong gumagamit ng alter account o pangalawang account sa social media para ilihim ang kanilang mga tunay na identity at mailabas nila ang mga tunay na nararamdaman.
Ito ang unang proyekto na pinagsamahan nina Enchong at Jasmine, pero makikita at mararamdaman sa mga eksena nila ang kanilang chemistry.
"I’m just so happy because katulad nga nang sinabi niya, we started as strangers and ended our film with a good friendship," sabi ni Enchong tungkol sa pagtatambal nila ni Jasmine sa Alter Me.
Dahil sa friendship nila na nabuo, gusto ni Enchong na muling makasama si Jasmine sa ibang future projects.
"[She’s] someone I want to hang out with even sa labas ng trabaho. Jasmine is someone I would want to talk with for the whole day, on and on.
"Talking about life. Talking about our understanding and talking about socio-political issues. We can go on and on and I’m happy that I found that in her."
REINVENTING ENCHONG
Ni-reinvent ni Enchong ang sarili sa Alter Me dahil ito ang baptism of fire niya bilang isang mature at daring actor.
Hindi ipinagkaila ni Enchong na malaking hamon sa kanya ang mga eksenang ngayon lamang niya ginawa sa buong buhay dahil kailangan sa kuwento. Malaking bagay ring malaki ang tiwala niya kay RC.
"Most challenging scene siguro when you have to bare it all. When you’re in front of the people that you’re not usually being seen as someone totally naked.
"Pero I have to accept at a certain point in the shooting na, 'You know what, this will not work if I have inhibitions.'
“Drop it, and then let the director take the wheel pagdating sa editing because he will take care of you, and yun din naman yung nakita ko.
“So, nung pinanood ko yung film, sabi ko I’m so happy because sobrang alaga yung ibinigay din sa akin na sumugal din ako.”
Para sa kanyang physically demanding scenes, hiniling ni Enchong kay RC na bigyan siya ng panahon para makapaghanda.
“Naalaala ko sinabi ko kay Direk kasi nag-ano kami, it was October, November of 2019 up to January 2020 yung shooting namin.
“So, yung humingi lang ako kay Direk, 'Direk, pwede bang after Christmas, just give me two weeks to prepare physically?' Pero nahabol naman."
Uno, na may alter account sa social media, ang pangalan ng karakter ni Enchong sa Alter Me.
Tinanong namin sa kanya kung gumagamit din siya ng alter account sa tunay na buhay at positive ang sagot niya.
Ang kaibahan lang, ipinu-promote at hindi inililihim ni Enchong sa publiko ang kanyang alter account.
"Meron po, meron ako ngayon. I use it for, number one, yung sa character ng show namin ni Erich [Gonzales].
"But at the same time, I created it in such a way na it’s more like for food, business, and the personality of the character.
"But at the same time, I use it to check out other accounts, to lurk," pagtatapat ni Enchong.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika