Ikinalungkot ng mga host at staff ng It’s Showtime ang resignation ni Bobet Vidanes.
Si Vidanes ang direktor ng It’s Showtime, ang noontime show ng ABS-CBN na napapanood sa Kapamilya Channel at A2Z.
Labing-isang taong nakatrabaho si Vidanes ng mga host at ng staff ng It’s Showtime, kaya tiniyak ng isang nakausap naming mami-miss nila ang direktor na napapanood din paminsan-minsan sa harap ng kamera.
Walang idea ang mga host kung sino ang ipapalit kay Vidanes bilang direktor ng kanilang programa dahil pre-taped ang mga episode ng It’s Showtime sa linggong ito.
Pero alam ng mga host ng It’s Showtime na lilipat si Vidanes sa rival program nila—ang Lunch Out Loud ng Brightlight Productions na napapanood sa TV5.
Reportedly, magiging consultant si Vidanes ng Lunch Out Loud.
Pero hindi malayo ang posibilidad na, eventually, maging direktor siya ng noontime show na pinangungunahan nina Billy Crawford, Alex Gonzaga, at Bayani Agbayani.
Personal ang dahilan na ibinigay ng source ng Cabinet Files tungkol sa desisyon ni Vidanes na ipagpalit ang It’s Showtime sa magandang offer ng Brightlight Productions.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika