Si Jervy "Patani" Daño ang ipinalit kay Mystica sa Owe My Love, ang upcoming romantic-comedy series ng GMA Public Affairs.
Mabilis ang naging desisyong ipalit si Patani kay Mystica nang magkaroon ng meltdown ang singer-actress dahil sa pakiramdam niya binabale-wala siya ng production staff.
Mariin namang pinabulaanan ng mga tauhan ng Owe My Love ang mga akusasyon ni Mystica.
Nakilala si Jervy bilang "Ang Yaya" nang mapili siya bilang isa sa mga castaway ng unang season ng Survivor Philippines, na napanood sa GMA-7 noong September 15, 2008 hanggang December 14, 2008.
Maging artista, model, at host ang mga pangarap ni Jervy kaya sinubukan niya noong sumali sa StarStruck, ang reality-based artista search ng GMA-7.
Pero hindi siya pinalad makapasa sa StarStruck audition dahil iba pala ang kapalaran niya—ang maging castaway ng Survivor Philippines.
Isinilang si Jervy sa Camotes Island, at Patani ang kanyang palayaw.
Dahil sa funny character niya, mabilis siyang nagmarka sa viewers ng reality show na pinangungunahan noon ng TV host na si Paolo Bediones.
Patani na rin ang ginamit ni Jervy na screen name nang magkasunod-sunod ang mga projects niya sa GMA-7 pagkatapos ng kanyang stint sa Survivor Philippines.
Two days ago, nag-post si Patani ng litrato niya sa Facebook, matapos sumailalim sa swab test na requirement sa lock–in taping ng Owe My Love sa isang resort sa Bulacan.
Pero wala siyang binanggit tungkol sa kanyang bagong television assignment.
Meanwhile, nagkakasiyahan naman ang cast ng Owe My Love sa kanilang TikTok video habang sumasayaw sa saliw ng musika ng "Tahong ni Carla."
Kasama sa Tiktok video sina Kiray Celis, Lovi Poe, Jason Francisco, Benjamin Alves, at Ai-Ai Delas Alas na masayang-masaya, nagpakita ng pagkakaisa, at hindi naaapektuhan ng mga reklamo ni Mystica laban sa production staff ng Owe My Love.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika