Sa darating na Sabado, December 26, ang grand finals ng Masked Singer Pilipinas ng TV5.
Tiyak na mami-miss ng host na si Billy Crawford at ng judge detectives na sina Aga Muhlach, Cristine Reyes, Matteo Guidicelli, at Kim Molina ang isa’t isa dahil sa nalalapit na pagtatapos ng kanilang musical-mystery competition show na nagsimula noong October 24, 2020.
Para kay Cristine, memorable ang Masked Singer Pilipinas dahil sa friendship na nabuo at sa performances ng mga mystery celebrity contestant.
Natuklasan naman ni Aga na natural na nakakatawa si Matteo, likas na mabait si Billy, at gandang-ganda siya kay Cristine.
Lumabas din ang pagiging fan ni Kim, na hindi ipinagkailang matindi ang paghanga kay Aga.
“One crazy funny guy si Matteo. Billy is crazy too but very kind-hearted.
"Kim is nakakatuwa, lumalabas yung pagka-fan.
"People know maganda si Cristine, but when you see her all the time, if you really look at her, sasabihin mo na napakagandang tao talaga nito," pahayag ni Aga sa finale virtual presscon ng Masked Singer Pilipinas na naganap nitong Lunes ng hapon, December 21.
Ayon kay Billy, hindi niya malilimutan ang lahat ng mga payo sa kanya ni Aga sa tuwing magkasama sila sa set ng kanilang Saturday night program.
“Yung payo ng nag-iisang Boss Aga is hindi masyadong ganoon kaistrikto, hindi na kailangang paligoy-ligoy pa.
“Ang sinabi sa akin ni Boss Aga, ‘You have to save your finances dahil may pamilya ka and, also, you have to be professional still, kahit gaano ka kagaling or hindi magaling, basta magtrabaho nang tama, wala kang tinatapakang iba ay maganda na yung ginagawa mo.
“He’s absolutely right. Everything I do, I do it for my family,” saad ng TV host-singer.
NEW YEAR'S RESOLUTION
Ibinahagi rin ng judge detectives ng Masked Singer Pilipinas ang kanilang mga resolution para sa 2021.
Sabi ni Aga, “I’m so looking forward to losing forty pounds and mas payat pa ako kay Matteo at saka kay Billy."
Ayon naman kay Matteo, “My resolution for next year, siyempre this is my first year as a husband, so my goals, my dream is... it may sound as very, very weird, but I wanna be like a Kuya Aga.
"Like, how he handles his family, how he handles his friends and everything. He’s an example talaga.
"A lot of people look up to him. He really does things very nicely and very well."
Walang New Year’s resolution si Cristine, pero nangako itong mag-iipon at ibubuhos ang buong atensiyon sa sarili at sa kanyang anak na si Amarah dahil mabilis ang paglaki nito.
Mag-iipon at maglalaan din ng mas mahabang panahon para sa kanyang pamilya ang New Year’s resolution ni Kim.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika