Sariling desisyon ng ‘90s former ST Queen na si Cristina Gonzales ang maging aktibo muli sa showbiz.
Hindi siya kumonsulta o humingi ng permiso mula sa kanyang asawang si Tacloban City Mayor Alfred Romualdez at sa dalawa nilang anak na sina Sofia at Diana.
"Hindi naman sila nakikialam. I have my own decision. Wala naman problem ‘yon. I don’t see any problem with that," pahayag ni Cristina.
Halos labinlimang taong nanirahan at naglingkod sa Tacloban City bilang konsehal at alkalde si Cristina kaya na-miss niya raw nang husto ang showbiz.
"Nami-miss ko talaga ang showbiz, kaya lang before, I was living in Tacloban. I was living there for like almost 15 years.
"Since busy ako, talagang walang time.
"I just miss it [showbiz], and then I was offered by Viva. And then, of course, I’ve known Boss Vic del Rosario for many many years. I’ve worked with him already and his daughter Veronique so it’s something that I can’t refuse.
"It keeps me happy, excited, and kailangan naman, mag-relax-relax tayo and do something you really enjoy.
"Naalaala ko talaga nae-enjoy ko itong work na’to ever since. Excited talaga ako."
DOES SHE HAVE REGRETS?
In-demand sexy actress si Cristina noong dekada ’90 dahil nakapareha siya ng mga sikat na aktor gaya nina Richard Gomez, Cesar Montano, Aga Muhlach, at Robin Padilla.
Ilan sa blockbuster ST (Sex Trip) Films na pinagbidahan niya ay ang Bad Girl, Ang Katawan ni Sofia, at Nang Gabing Mamulat si Eba.
Hindi itinanggi ni Cristina na may mga role na pinagsisihan niya dahil napilitan lamang siyang tanggapin.
"To be honest, may mga role ako na nagsisi ako. Of course, I was young.
"When you’re young, siyempre may competition. You’re young and you’re goal is successful yung career mo.
"May mga role talaga na parang, 'Ah, sana hindi ko ginawa.' I won’t mention what, but at that time kasi yun ang trend.
"But whatever it is, along the way, I learned from it. I learned a lot and I’ve met so many people.
"As a whole, wala naman akong regrets."
Sa kanyang pagbabalik sa entertainment industry, nagpapakatotoo si Cristina dahil tanggap niyang hindi na "age appropriate" ang mga karakter na kanyang dating ginagampanan noon sa mga pelikula.
"At my age, I don’t think Viva would offer me the same roles I used to portray before.
"Siyempre, age appropriate din, pero I would like to do comedy or funny roles, let's say, mother roles.
"Okey lang naman ako na maging mother ng beautiful young [actresses]... things like that. Hindi naman ako masyadong mapili.
"Obviously, at my age, sino ba naman ang magki-kissing scen? I don’t think actress at my age, at fifties? Medyo hindi naman siguro ‘yan ang parang linya ko."