Pumanaw na ang international fashion designer na si Rocky Gathercole ngayong Miyerkules, March 3.
Alas-singko ng hapon nang matagpuan sa second floor comfort room ng kanyang bahay sa Samar Avenue, Diliman, Quezon City, ang lifeless body ni Rocky.
Ito ay ayon sa katiwala ng fashion designer na si Simple, na iyak nang iyak habang kausap ng Cabinet Files.
Ang duda ni Simple, inatake sa puso si Rocky.
At press time, nasa comfort room pa rin ang katawan ni Rocky dahil hinihintay pa ang pagdating ng mga imbestigador.
Sina Britney Spears, Katy Perry, Paris Hilton, at Nicki Minaj ang ilan sa international stars na binihisan ni Rocky.
Isang inspirasyon ang buhay ni Rocky dahil mula sa pagiging homeless noong bata pa siya, narating niya ang tagumpay dahil sa kanyang talento.
Ang inspiring life story ni Rocky ang dahilan kaya isinadula ito ng Maalaala Mo Kaya noong July 2017, kung saan si Arjo Atayde ang gumanap sa karakter niya.
