Ngayong Linggo, April 11, ang huling araw ng pagpapatupad ng Enhanced Community Quarantine (ECQ) sa Metro Manila, Laguna, Rizal, Bulacan, at Cavite.
Simula bukas, April 12, hanggang April 30, 2021 ay sasailalim ang mga nabanggit na lugar sa Modified Enhanced Community Quarantine (MECQ).
Ang bagong quarantine classification na rekomendasyon ng Inter-Agency Taskforce on Emerging Infectious Diseases (IATF) ang inahayag ni Presidential Spokesperson Harry Roque sa kanyang virtual presser ngayong hapon.
“Inaprubahan po ngayong araw ng ating Presidente ang rekomendasyon ng inyong IATF na ilagay ang mga lugar na ito sa corresponding na community quarantine.
“Under Modified Enhanced Community Quarantine, ang Metro Manila, kasama po ang Bulacan, Rizal, Laguna, at Cavite.
"Under MECQ din po ang City of Santiago, Quirino, at ang Abra.
“Mapapasailalim naman po sa General Community Quarantine ang CAR [Cordillera Administrative Region], ang Cagayan, Isabela, Nueva Vizcaya.
"Sa Region IV-A, ang probinsya ng Batangas, sa Region 8, Tacloban City, sa Region 10, Iligan City, sa Region 11, ang Davao City, sa ARMM [Autonomous Region in Muslim Mindanao], Davao del Sur, at ang Quezon mula April 12 to 30.
“Ang lahat po ng parte ng Pilipinas na hindi nabanggit ay maipapasailalim po sa MGCQ,” pahayag ni Roque tungkol sa bagong quarantine classification sa National Capital Region at sa ibang bahagi ng Pilipinas.
