Undoubtedly, si AJ Raval ang next important star ng Viva Films.
Hindi pa man naipalalabas ang Death of A Girlfriend, may bagong pelikula na siyang gagawin.
Ito ay ang Taya, na pagbibidahan nila ng Anak ng Macho Dancer star na si Sean de Guzman.
Introducing si AJ sa Paglaki Ko, Gusto Ko Maging Pornstar na napapanood pa rin hanggang ngayon sa VivaMax.
Naging ganap siyang bida sa Death of A Girlfriend, ang pelikula nila ni Diego Loyzaga na ipalalabas din sa nasabing streaming site sa April 30.
Maipagmamalaki naman ni Sean ang acting-piece role niya sa Taya na higit na mapanghamon kesa sa kanyang karakter sa Anak ng Macho Dancer.
Mag-uumpisa sa susunod na buwan ang lock-in shooting ng Taya.
Mula ito sa direksiyon ni Roman Perez Jr., ang direktor ng controversial movie na Adan at ng upcoming movie na The Housemaid, ang boldest movie to date ni Miss International 2016 Kylie Verzosa.
Taya
Halaw sa mga tunay na pangyayari ang kuwento ng Taya na isang psycho-erotic thriller.
Concept ni Roman ang plot ng Taya, at ang 2018 Cinemalaya Independent Film Festival Best Screenplay winner na si John Carlo Pacala ang sumulat ng screenplay.
Ang Taya ay nanggaling sa college thesis na isang research document na naging stage play sa Cultural Center of the Philippines. May original title itong Pataya Patihaya.
May kinalaman sa drugs at krimen ang kuwento ng Taya, pero mas matitindi umano ang mapapangahas na eksena nito kumpara sa Adan at The Housemaid.