Nagpakita ng suporta si Miss Universe Canada 2016 Siera Bearchell sa pagsasalita ng Filipino fashion designer na si Rian Fernandez tungkol sa malungkot na karanasan nito kay Denis Martin Davila, ang national director ng Miss Universe Canada Organization.
Si Rian ang gumawa ng white gown na ginamit ni Siera nang maging kinatawan ito ng Canada sa 65th Miss Universe na ginanap sa Mall of Asia Arena, Pasay City, noong January 30, 2017.
Dalawa ang gowns na ginawa ni Rian para kay Siera, pero si Denis ang pumili ng white gown na binatikos ng netizens dahil hindi bagay sa Canadian beauty queen.
Ayon kay Rian, sinabi ni Denis sa kanyang pinili ni Siera ang white gown. Pero itinanggi ito ng beauty queen nang magkausap sila nang personal.
Sa kabila ng nangyari, naging magkaibigan ang dalawa.
Si Rian ang gumawa ng wedding gown ni Siera nang magpakasal ito kay Brennen Wray noong November 2017 sa Las Vegas, Nevada.
Nalaman agad ni Siera ang pagsasalita ni Rian tungkol sa hindi magandang karanasan nito sa Miss Universe Canada Organization kaya nagbahagi siya ng mensahe para sa kanyang kaibigan sa pamamagitan ng Instagram.
Sabi ni Siera, “The pageant world can be a toxic place, but it can also be a place where lifelong friendships are created.
"I met @rianfernandez888 after an unusual gown situation at Miss Universe. The whole story and conversation with Rian can be found via the link in my bio. It’s way too complicated to explain in a caption.
“Rian and I became good friends after experiencing a lot of drama together and he designed and made my wedding gown!"
Nagkita raw silang muli noong Miss Universe 2019 sa Atlanta, Georgia.
Pagtukoy ni Siera kay Rian, “He is incredibly talented and his work is amazing. Love you Rian!!!!!
“If only we knew each other PRIOR to me competing at Miss Universe. We would have worked TOGETHER on a gown that would have brought our visions together.
“I know we will work together again to create something amazing. Maybe if I am a judge at a pageant this year or attend the next Miss Universe.
“I’m not going to share much more in this caption because we share everything in our YouTube conversation.
“I don’t know much about the current drama because I haven’t been involved with MUC for a few years. So grateful to have this amazingly talented PH designer in my life!"