Malaki ang pasasalamat ng newcomer actress na si Andrea Abaya dahil nabibigyan siya ng mga project sa panahon ng coronavirus pandemic.
Si Andi ang 18-year-old Pinoy first runner-up sa Pinoy Big Brother: Connect noong March 14, 2021 at ang pagsali niya sa reality show ng ABS-CBN ang naging daan para matupad ang kanyang matagal nang pangarap na maging artista.
“Before PBB, I do commercials. I’ve been doing commercials for seven years na po. It’s been a dream of mine since I was a young girl, I’ve always wanted to be an actress,” ang pahayag ni Andi.
Caught in the Act
Ipinakilala siya bilang isa sa mga bida ng Caught in the Act, ang bagong proyekto ng former actor-turned-director na si Perry Escaño.
“It is a blessing and I’m so thankful and really grateful that the production, Direk Perry, the management, trusted me to be a part of this project and of course, I will do my part. I promise to all of you, I will give my all and I will do my best.
“I know it’s really difficult to have all these productions in the middle of pandemic but I’m thankful because I get to do projects where I know I can bring life to people na may mga hinaharap na mga challenge.
“I’m thankful as well na kahit pandemic, binibigyan pa rin ako ng pagkakataon ng Diyos na abutin yung mga pangarap ko,” sabi pa ni Andi.
Si Joaquin Domagoso ang makakapareha ni Andi sa Caught in the Act pero hindi pa sila nagkikita nang personal kaya walang masyadong masabi ang baguhang aktres tungkol sa anak ni Manila City Mayor Isko Moreno.
“We haven’t really met personally yet but I believe that we will be able to work well with each other, along with the other cast, and he seems like a nice person naman po and professional,” ani Andi.
Isang suspense-comedy-adventure movie ang Caught in the Act na thesis ni Perry nang maging estudyante siya ni Ricky Lee sa writing workshop nito, dalawang taon na ang nakararaan.
Pinalawig ni Perry ang kuwento ng Caught in the Act para maging ganap itong pelikula.
Ginamit na rin na pamagat ang Caught in the Act sa 1981 sexy drama movie ng Regal Films na pinagbidahan nina Phillip Salvador, Amy Austria, Gina Alajar, at Lorna Tolentino.
Si Jose Javier Reyes ang sumulat ng script at si Lino Brocka ang direktor ng Caught in the Act na ipinalabas sa mga sinehan noong November 27, 1981.