Dapat maging maingat ang ilang gullible fans ni Sarah Geronimo na agad naniwala na, tulad ng popular South Korean boy band na BTS, may collaboration meal na rin ang kanilang idolo sa iniendorso nitong fastfood chain company.
Mainit ang pagtanggap ng BTS fans sa buong mundo sa collaboration meal nito sa McDonalds.
Dahil likas na malikhain at matataba ang isip ng mga Pinoy, particularly ang mga tagahanga ni Sarah, may nakaisip gumawa ng Popstar Royalty at ng Jollibee meal na tinawag na "The Pop Star Meal,"
Binubuo ito ng Sarah Coke, Tala nuggets, at Ikot-Ikot fries na halaw ang mga pangalan mula sa hit songs ng singer-actress.
Sa biglang tingin, lehitimo ang ad na may caption na "Free delivery kahit abutin ng kilometrong layo" dahil ginamitan ito ng litrato ni Sarah, ng logo ng fastfood chain company na ipinu-promote niya, at logo ng mga delivery service app na Grab Philippines at Food Panda.
Agad na pinatulan ng Grab Philippines ang fan made ad dahil sa Twitter announcement nila na "Magpapa-promo code kami GRABTALA ‘pag nangyari ‘to!!!" na ikinatuwa ng fans ni Sarah na umaasang magkakaroon ng Pop Star Meal na pantapat sa BTS Meal.
Again, fan made lamang ang Pop Star Meal ad ni Sarah na lumabas ngayong Lunes ng hapon, June 21.
Dapat mag-ingat at maging mapanuri ang netizens para hindi sila maging biktima ng fake news dahil maraming beses nang napatunayang hindi totoo ang ilan sa mga lumalabas na impormasyon o balita sa iba’t ibang social media platforms.
Use these GrabFood promo codes when you shop or order online. Marami pang ibang coupons dito.