Noong June 13, 2021, nag-post si Sharon Cuneta sa kanyang Instagram ng litrato nila ni Marco Gumabao na kuha mula sa isang eksena ng pelikulang Revirginized.
Red bathing suit ang suot ni Sharon at ang kanyang prominent cleavage ang unang mapapansin sa litrato.
Caption niya sa larawan: “Titigan n’yo na pong mabuti. Kasi ba may liliit po sa pics na ‘yan. Hahahaha!”
Hindi nagbibiro si Sharon sa caption ng litrato nila ni Marco.
Siya mismo ang nagkuwento sa virtual media conference ng Revirginized ngayong hapon, August 4, tungkol sa breast reduction procedure sa kanya nang magpunta siya sa Amerika.
Napilitan si Sharon aminin ang surgery na pinagdaanan dahil paulit-ulit na nalalaglag ang strap ng kanyang bra habang nagaganap ang Zoom presscon para sa pelikulang pinagbibidahan niya.
Sabi ng Megastar, “Sorry itong strap ng... pwede bang magsabi ng something.
"Nagpunta ako ng Amerika, di ba? Tumaba ako pero konti lang, may lumiit sa akin.
“I had my chest reduced.
"I gained so much weight and then I breastfed Miel," pagtukoy ni Sharon sa kanyang youngest daughter.
Patuloy niya, "And after gaining and losing, a lot if it was skin and fats.
"No, I didn’t have implants. It was all natural.
"But it’s all skin and fats and so I had it reduced."
Inamin din si Sharon na sumailalim siya sa breast lift procedure.
“Oo naman,” mabilis na sagot ni Sharon nang itanong ng presscon moderator na si Giselle Sanchez kung puwedeng isulat ang breast reduction and breast lift na ginawa sa kanya.
“Sinabi ko na ‘yan sa Instagram. Meron akong ipinost na 'tingnan niyo nang mabuti itong picture namin ni Pawie...'
"Kami ni Pawie yata ‘yon, yung naka-bathing suit ako sa movie, 'kasi baka may liliit ho diyan, e.”
MARCO GUMABAO
"Pawie" ang term of endearment ni Sharon kay Marco, ang leading man niya sa Revirginized.
Para kay Sharon, "a dream to work with" si Marco dahil sa mga katangian nito.
“Dyusko, anak ko na ‘yan, younger than KC [Concepcion, her eldest daughter].
“In the movie, I call him Pawie.
"Usually, when it's someone his age that I work with, I call him son, anybody, son or anak.
“With Marco, I tried to keep it really straight. 'This is Pawie, this is my honey in the movie.'
"So, hanggang promo, pinaninindigan ko ‘yon for the sake of the movie."
Sabi pa ni Sharon tungkol kay Marco, “But he’s a dream to work with because he is professional. He is obviously the heartthrob of Viva now.
"He’s a good boy. We’re both Christians and, you know what, he’s a friend of mine."
Ang Revirginized ay mapapanood sa VivaMax streaming site simula sa darating na Biyernes, August 6.
Use these Lazada vouchers when you shop or order online. Marami pang ibang coupons dito.