Panoorin muna ang Revirginized bago sila batikusin.
Ito ang pakiusap ni Marco Gumabao sa mga taong walang masabing mabuti tungkol sa pelikula nila ni Sharon Cuneta dahil naeskandalo sa mga larawan at video ng kanilang pinag-uusapang tequila bodyshot scene.
Sabi ni Marco, “Everyone’s entitled to their own opinion so, of course, rerespetuhin namin if ever yun po ang opinyon nila para sa movie namin.
“But for me, before you bash us, or before you say bad stuff about our film, I think it’s best that you watch it first.
“Based on the trailer, parang it’s all partying, it’s all about having fun. But if you really watch the whole film, makikita niyo na may lesson sa dulo, especially yung scene namin ni Miss Sharon.
"I think that was one of the best scenes of the movie kasi yun talaga ang naging turning point for the character of Miss Sharon."
Pinaghandaan daw niyang mabuti ang kontrobersiyal na eksena nila ni Sharon.
“Nag-scrub ako ng katawan noon siyempre. Hindi puwedeng hindi. Nakatatlong ligo ako before that scene.”
Nagkuwento rin si Marco tungkol sa naging reaksiyon niya nang malaman niyang siya ang gaganap na leading man ni Sharon sa Revirginized.
“I was at Viva office that day and then, katatapos lang ni Direk Darryl Yap na mag-pitch sa Zoom.
“I entered Boss Vic del Rosario’s office and then, biglaan, sinabi sa akin ni Boss Vic, ‘O Marco, may bago kang movie, kasama mo si Miss Sharon.’
“Siyempre, I’m so excited. Hindi ako makapaniwala talaga noong una. So I thought noong una, anak [ang role], yun talaga ang unang pumasok sa isip ko.
“'Ikaw yung magiging leading man ni Sharon sa movie,' [sabi ni Boss Vic]. I was really shocked and I was really excited.”
Gumawa ng kasaysayan ang Revirginized dahil ito ang pelikulang may “most pre-sold tickets” sa streaming platform na ktx.ph.
Use these Lalamove promo codes when you shop or order online. Marami pang ibang coupons dito.