Hindi lamang sina Baron Geisler, Jeric Raval at Mark Anthony Fernandez ang pumayag na gumanap na matatapang na drag queens sa Barumbadings dahil kasali rin sa kanilang "federasyon" ang veteran actor na si Joel Torre.
Tinanggap agad ni Joel ang role ni Mother Joy, ang mentor at benefactor ng karakter nina Jeric, Baron at Mark sa Barumbadings, kahit kailangan din siyang gumamit ng wig, make-up at umarte na parang isang tunay na babae dahil ayaw niya na palampasin ang pagkakataon na makatrabaho ang young director na si Darryl Yap, ang sumulat ng kuwento at direktor ng pelikula.
Para maging kapani-paniwala siya sa kanyang role, mismong si Joel ang nagprisinta kay Darryl na aahitin niya ang kanyang bigote at balbas pero hindi pumayag ang direktor.
Bilang Mother Joy na isang sikat na fashion designer, motherly si Joel sa kanyang tatlong alaga na ipinakilala niya sa mundo ng beauty pageants.
'90s gay ang peg ng karakter ni Joel na inspired din ng pagkatao nina Ricky Reyes at RuPaul pero ang kaibahan lang, may balbas at bigote siya dahil maikukumpara rin sa role ni Al Pacino sa The Godfather ang papel na ginampanan niya.
Nag-enjoy si Joel sa lock-in shooting ng Barumbadings na mabilis natapos, pero sa November 5 pa ang streaming sa Vivamax ng kanilang pelikula.
Use these GrabFood promo codes when you shop or order online. Marami pang ibang coupons dito.