Si Dennis Trillo ang lead actor sa On The Job:The Missing 8, ang project ng multi-awarded director na si Erik Matti, na kasali o In Competition sa 78th Venice International Film Festival.
Ganapin ang international filmfest sa September 1 hanggang September 11, 2021.
Tiyak na ang pagdalo ni Dennis sa world premiere ng kanyang pelikula. Nakatakda sa September 7 ang flight niya papunta sa Venice, Italy.
Makakasama ni Dennis sina Erik at Dondon Monteverde ng Reality Entertainment Inc., ang mga producer ng On The Job: The Missing 8.
Matatapos ang 78th Venice International Film Festival sa September 11. Pero kinabukasan, September 12, magsisimula na ang streaming sa HBO Go ng On The Job: The Missing 8.
Pinasalamatan ni Dondon ang lahat ng mga taong tumulong at nagbigay sa kanila ni Erik ng suporta para mabuo ang proyekto na kalahok sa Main Competition ng 78th Venice International Film Festival at ipalalabas sa HBO Go bilang six-part series.
“A special shoutout to the cast, crew, producers, and all the men and women who gave their all for this franchise.
“From 2013 On The Job - 2021 On The Job: The Missing 8 this is where we are now. Thank you HBO Asia for believing in the franchise.
“It really means a lot to us. We have put together the biggest ensemble of Filipino actors in the epic crime series On The Job streaming on September 12.
“Made by dedicated, hardworking, creative, and proud Filipinos for the world to see,” pasasalamat ni Dondon.
Ang On The Job: The Missing 8 ay tungkol sa isang corrupt journalist na naghahanap ng katarungan para sa mga kasamahan niya at sa kanyang kaibigan na isang preso na pinalalabas ng kulungan para pumatay.
Ginagampanan ni John Arcilla ang karakter ni Sisoy Salas, ang corrupt journalist. Si Dennis naman si Roman Rubio, ang kanyang kaibigan na hired gun o assassin.