Nagalit at nainsulto ang ilang nakapanood sa viral video ng isang male fan ni Maui Taylor dahil naging lapastangan siya nang puntahan at kausapin niya ang sexy actress sa workplace nito.
Para sa concerned netizens, foul at walang respeto ang male fan dahil sa brutal na pagtatanong nito kay Maui.
“Ma’am, puwede bang magtanong?” bungad na salita ng male fan habang nakatutok kay Maui ang kanyang hawak na phone camera.
“Yes po,” sagot ni Maui.
Hindi malaman ang magiging reaksyon ng sexy actress sa mga sumunod na salita ng male fan.
Walang kanerbiyos-nerbiyos na sabi ng male fan: “Kasi nung bata pa ako, lagi kitang pinagdya*****an.
"Anong pakiramdam pagka yung karamihan ng sambayanang Pilipino nung panahon mo, talagang pinagja*****an ka? Anong pakiramdam?
“P…. ina, siguro mga 100 times yata ako nila….., kasama mo sa mga pelikula mo sina Rica Peralejo, saka yung Viva Hot Babes. Bumibili pa ako ng CD.”
Imbes na magalit dahil sa bastos na pagtatanong sa kanya, malumanay ang boses at kalmadong-kalmado si Maui sa naging sagot nito matapos mahimasmasan.
Sabi ni Maui, “Ang pakiramdam ko? E, di masaya. Masaya saka at least tumangkad kayo.”
Nang marinig niya ang sagot ni Maui, muling nagkomento ang male fan.
Sabi nito, “Malaking bagay talaga yung naiambag mo sa sambayanang Pilipinas.”
Sa media conference ng 69+1 nitong Biyernes ng hapon, August 27, napag-usapan ang brutally frank na pagtatanong noon ng male fan kay Maui.
Muli siyang natawa nang ipaalaala sa kanya ang eksena.
“Oh, my gosh, ito ba yung nag-viral, yung nag-trending?
“Actually, hindi ako nao-offend sa ganoon. Natatawa pa nga ako at saka natutuwa ako sa kanila.
“At the same time, natutuwa ako sa sarili ko dahil naka-contribute ako sa kanila.
“Sa lahat ng mga tumangkad, sa lahat ng nais pang tumangkad, e, puwedeng-puwede pa kayong humabol,” walang bahid na pagkapikong sabi ni Maui.