“Kabahan na. Papasok ang mga Dyosa!”
Ito ang reaksiyon ng aktor na si Jerald Napoles nang makita nito ang mga litrato ng Top 30 candidates ng kauna-unahang Miss Universe United Arab Emirates.
May katotohanan ang opinyon ni Jerald dahil walang itulak-kabigin sa mga kandidata ng 1st Miss Universe UAE na napakagaganda ng mga hitsura at mala-santa ang mga mukha kaya may karapatang tawagin bilang mga dyosa.
Kasali sa Top 30 candidates ng Miss Universe UAE ang Filipino pride at former Pinoy Big Brother Otso housemate na si Franki Russell.
Half-Filipina at half-New Zealander si Franki, pero residente na siya ng Dubai kaya siya ang kinatawan ng downtown Dubai sa inaugural coronation night na magaganap sa November 2021.
Hindi agad matutukoy na Pilipina ang 27-year-old aspiring beauty queen na mapagkakamalan talagang isang Arab woman dahil sa kanyang kasuotan at physical appearance.
Nabigyan ng pagkakataon si Russell na sumali sa Miss Universe UAE dahil bukas ito para sa lahat ng mga residente, hindi lamang sa mga mamamayan ng UAE.
Kakaiba ang Miss Universe UAE dahil hindi ito magkakaroon ng swimsuit competition bilang paggalang sa relihiyon at kultura kaya fashion couture round ang isa sa mga paglalabanan ng mga kandidata.
Use these foodpanda vouchers when you shop or order online. Marami pang ibang coupons dito.