Ang 20-anyos na si Dustin Yu ang isa sa mga pinakamapalad na aspiring actor dahil bida agad siya sa "Myra’s Miracle," ang episode ng Regal Studio Presents na napapanood tuwing Linggo nang hapon sa GMA-7.
Bukod sa guesting sa Regal Studio Presents, cast member si Dustin ng pinaka-aabangang primetime drama series na ipalalabas din sa Kapuso Network kaya super blessed ang pakiramdam ng baguhang aktor na nangarap maging artista noong sampung taon pa lamang siya.
“Itong pagpasok ko sa industry is very unexpected so I grabbed the opportunity,” ang kuwento ni Dustin na discovery ng Regal Entertainment Inc. at dahil promising actor, pinapirma agad ng exclusive contract bilang Regal Baby ng nagsanib-puwersa na Regal, Reality MM Studios at Virtual Playground.
Ikinagulat ng mga magulang ni Dustin ang pagpasok nito sa entertainment industry dahil hindi nila naisip na seryoso ang kanilang anak sa pangarap na maging artista.
“My parents were shocked because hindi nila alam or they don’t have an idea po na I’m pursuing showbiz industry na, but dati ko pa sinasabi na dream ko na maging artista.
“And also, I know they’re proud po since it’s a new journey for me that I would love and explore.”
Third-year college Marketing student si Dustin sa University of Sto.Tomas at para hindi magkaroon ng problema, gumawa siya ng paraan para mapagsabay ang kanyang pag-aaral at pag-aartista.
“To avoid conflict po sa school and showbiz career, I will just be more organized in terms of managing my time. I will be more focused with my responsibilities and at the same time, embrace what I love which is my showbiz career,” ang sabi ni Dustin na iniidolo si Joshua Garcia dahil sa acting ability nito.
Sina Claire Castro at Coleen Paz ang mga co-star ni Dustin sa "Myra’s Miracle" ng Regal Studio Presents.
Para sa tatlong baguhang artista, isang milagrong natupad (tulad ng episode na kanilang pinagbibidahan) ang mga pangarap nilang maging artista at mapanood ang mga sarili sa telebisyon at pelikula.