Hindi natupad ang pinapangarap ng Pinoy beauty pageant fans na back-to-back-win sa Miss Eco Teen International 2021 dahil first runner-up ang karangalang napanalunan ni Tatyana Alexi Austria, ang 18-year-old Miss Eco Teen Philippines 2021.
Si Vu Huyen Dieu ng Vietnam ang nagwaging Miss Eco Teen International 2021 sa final show na idinaos sa Cairo, Egypt noong Lunes ng gabi, December 20 (Martes ng madaling-araw, December 21, sa Pilipinas).
Si outgoing Miss Eco Teen International 2020 Roberta Tamondong ng Pilipinas ang nagsalin sa kanya ng korona.
Marami ang umasang si Tatyana ang magiging successor ni Roberta dahil sa kanyang mahusay na sagot sa Question-and-Answer portion pero ang kinatawan ng Vietnam ang final choice ng mga hurado.
Second runner-up sa Miss Eco Teen International 2021 si Lia Macias ng USA, third runner-up si Miss Eco Teen Belgium Cameroon Iommelen, at 4th runner-up si Habiba Osman ng Egypt.
Tulad ng Pilipinas, namamayagpag sa mga international beauty pageant ang Vietnam dahil Top 16 sa 70th Miss Universe ang Vietnamese beauty queen na si Nguyen Huynh Kim Duyên.
Si Miss Grand Vietnam Nguyen Thúc Thùy Tiên naman ang nanalong 9th Miss Grand International crown sa coronation night na ginanap sa Bangkok, Thailand noong December 4, 2021.
Use these Nike promo codes when you shop or order online. Marami pang ibang coupons dito.