Napatunayan ng isang aktres na totoo ang kasabihan na "What goes around comes around" dahil nararanasan niya ngayon ang masakit na nangyari sa kanyang kaibigan na female showbiz personality.
Matalik na magkaibigan ang aktres at ang female showbiz personality dahil siya ang naging sumbungan ng huli tungkol sa mga problema nito sa asawa.
Alam ng aktres ang lahat ng mga nangyayari sa buhay ng mag-asawa dahil pinagkatiwalaan siya nang husto ng kaibigan niya.
Pero humantong din sa hiwalayan ang pagsasama ng female showbiz personality at ng asawa niya na nagtataglay ng “irresistible charm.”
Makalipas ang ilang taon, nalaman ng female showbiz personality na ang aktres na pinagkatiwalaan niya ng lahat ng mga sikreto niya ang bagong karelasyon ng kanyang estranged husband.
Mula noon, nasira na ang relasyon ng magkaibigan at nawalan na rin sila ng komunikasyon.
Alam na ngayon ng aktres ang naging pakiramdam noon ng dating kaibigan niya na female showbiz personality dahil hiwalay na rin sila ng kanyang kinakasama.
Kung ano ang ginawa ng aktres sa kaibigan nito, nangyari rin sa kanya dahil ipinagpalit siya ng lalake sa ibang babae.
Nailigtas sana ng aktres ang sarili mula sa isang mapang-abusong relasyon kung natuto siya sa mga kuwento ng kanyang dating kaibigan tungkol sa pagiging iresponsable at pagkakaroon ng maraming bisyo ng lalaki na sinamahan niya pero tunay na nasa huli ang pagsisisi.
What goes around comes around.