Tiyak na ang pagbabalik ng Philippine franchise ng Family Feud sa March 21, 2022, at muli itong mapapanood sa GMA-7.
Magbabalik din si Dingdong Dantes bilang host ng Family Feud Philippines na matutunghayan tuwing 5:45 p.m. bago magsimula ang 24 Oras.
Iyon ang timeslot ng Dapat Alam Mo! na ipinalit sa Wowowin, ang game at public service show ni Willie Revillame na nagpaalam sa Kapuso Network noong February 11, 2022.
Anim na araw nang makikita ang actor-host sa mga programa ng GMA-7 dahil tuwing Linggo ang Amazing Earth, ang kanyang informative program, samantalang mapapanood mula Lunes hanggang Biyernes ang Family Feud.
Interesting ang bagong season ng Family Feud dahil mga celebrity ang maglalaro sa Season 1 ng game show ni Dingdong.
Si Dingdong din ang unang host ng Family Feud noong 2009 hanggang 2010.
Ibinahagi ni Dingdong sa isang social media post na inuumpisahan niya ang mga bagong "paglalakbay" sa pamamagitan ng pagdarasal.
"Starting every new journey with a prayer. To thank our Creator for blessing us with an opportunity to learn, grow, and have fun.
"Mas marami tayong mapapasayang mga Kapuso sa pagsisimula ng Family Feud,” ang sabi ni Dingdong.