Ang huwag nang magpalit ng pangalan si Ryzza Mae Dizon, 16, ang payo ng kanyang mga supporter.
Dahil dalaga na siya, gusto ni Ryzza na Mae Dizon na ang itawag sa kanya, pero tutol ang karamihan sa mga tagahanga niya.
Read: Ryzza Mae Dizon, pantapat ng Eat Bulaga! sa pagbabalik ni Anne Curtis sa It's Showtime
Bukod sa nasanay na sila na Ryzza Mae ang tawag nila sa former Miss Little Philippines winner, sumikat ito gamit ang tunay na pangalan kaya wala silang makitang dahilan para magpalit si Ryzza Mae ng screen name.
Hindi lamang si Ryzza Mae Dizon ang umusbong ang pagiging babae sa panahon ng coronavirus pandemic.
Nagdalaga rin sa paningin ng lahat ang kapwa niya child actress na si Andrea Brillantes.
ANDREA BRILLANTES
Nang isapubliko nina Andrea at Ricci Rivero ang kanilang relasyon, saka lang tinanggap ng fans ng former child actress na ganap na ang kanyang pagiging dalaga.
Read: Ricci Rivero, pinag-"YES" si Andrea Brillantes sa harap ng publiko para maging girlfriend niya
Pero nananatili ang pagiging bata ni Andrea kapag nagsasalita, at ebidensiya ang video nila ng boyfriend niya na kuha nang magbakasyon sila sa isang beach resort.
Ang "pabebe" na pagsasalita ni Andrea habang bumibili ng pagkain ang napansin ng netizens na mabilis siyang hinusgahan, kahit alam nilang likas na malambing ang 19-year-old actress.
DARREN ESPANTO
Samantala, biglang nagbinata ang singer na si Darren Espanto.
Noong May 24 ay nagdiwang si Darren ng kanyang 21st birthday.
Bahagi ng pagdiriwang ng kaarawan nito ang “sexy thirst trap black and white pictorial” niya na tumanggap ng mga papuri mula sa kanyang mga tagahanga at kaibigang artista.
Ilan sa mg nagkomento ay sina Vhong Navarro, Arci Munoz, at Janine Gutierrez na buong ningning na nagkomento ng “Enchong will be proud.”
Isa si Darren sa mga young performer na komportable sa pagpapakita sa publiko ng kanyang hubad na katawan na hindi maitatangging bahagi ng reinvention niya sa sarili bilang hunk singer.