Ang singer at composer na si Jex De Castro ang nagpaalam noong Sabado nang gabi, June 11, sa semi-finals round ng Season 2 Masked Singer Pilipinas ng TV5.
Ang banana mascot costume ang ginamit ni Jex para itago ang kanyang pagkatao at siya ang pang-labingdalawa sa labing-anim na celebrity contestants na natanggal sa popular reality singing competition ng Kapatid Network.
Malaking karangalan para kay Jex na naging celebrity contestant siya sa Masked Singer Pilipinas na isa sa mga highlight ng kanyang singing career.
“I'm so happy, grateful, honored, and proud to be part of the Fighting Five! It was such a fun, nerve-wracking and lovely experience!
“As I look back, di ko makakalimutan how I started as a singer. I was so surprised when they tapped me to do this show,” ang umpisang pahayag ni Jex nang magkuwento ito tungkol sa kanyang Masked Singer Pilipinas journey.
"Would you be available to be one of the celebrity singers for Masked Singer Pilipinas Season 2?" tanong daw sa kanya noon.
“I was in shock for a while dahil ayaw agad mag-sink in sa akin. To be considered as a "celebrity" singer, I must have done something good to be able to work alongside these amazing artists I so look up to.
“Napa-'Seryoso ba?' na lang ako. I couldn't explain the feeling. In a way, I could say I am proud of myself for making it this far.
"'Kaya ko ba 'to?' That's what I tell myself every effin' episode. The anxiety never goes away but at the same time, I feel so excited waking up in the morning dahil alam kong I could still offer something to all the people who believed in me and my talent.”
Si Jex ang second runner-up sa All-Star Grand Resbak ng "Tawag ng Tanghalan" ng It’s Showtime noong December 2019 at ito ang nagbukas ng mga oportunidad sa kanya bilang singer.
Nagkaroon siya ng recording contract sa Viva Records at naging contestant nga ng Masked Singer Pilipinas Season 2 na tunay na memorable experience para sa kanya.
“Hinding- hindi ko rin makakalimutan kung gaano kahirap umihi everytime na kinakabahan ako sa galing ng mga kasama kong celebrity singers.
“Imagine how hard it is peeing more than 5 times while wearing this costume nang hindi inaalis. Paano ko nagagawa?
“Ask n'yo ang matiyaga at very supportive kong cousin and roadie, Kuya Macoy. Salamat kuya!” ang sabi ni Jex na hindi makapaniwala na mararanasan niya na maging banana mascot sa national television.