Ang pagbubuntis ng kanyang asawa na si Danica Sotto ang Father’s Day revelation ngayong Linggo, June 19, 2022, ni Marc Pingris.
“Happy father’s day to me!!! Thank you Lord for another blessing! Sa lahat ng mga daddy, happy father’s day po sa inyo,” ang caption ng 40-year-old cager sa pregnancy ultrasound photo naka-post sa kanyang Facebook page.
Kumpirmasyon ito na buntis sa ikatlong pagkakataon si Danica, 40.
Answered prayer naman para kay Danica ang kanyang pagbubuntis.
Aniya, “Thank you Lord for our answered prayer” na nilagyan niya ng hashtags na #godsperfecttime, #baby3 at #glorytogod sa video na inilabas niya sa kanyang Instagram post na may voice-over na “God has perfect timing. Never early, never late. It just takes a little patience and a whole lot of faith but it’s worth the wait.”
May dalawang anak sina Marc at Danica, si Jean-Michel na isinilang noong June 26, 2008, at si Anielle Micaela na ipinanganak noong September 20, 2011.
Ang pagbubuntis ni Danica ang katuparan ng kanyang Facebook post noong January 8, 2022, ang throwback picture nila ni Marc na nilagyan niya ng caption na “Us a couple of years back. God willing, we will get pregnant this year,” na nangyari makalipas lamang ang ilang buwan dahil hindi ipinagkait ng Panginoong Diyos ang kanilang ipinagdasal na magkaroon ng bagong miyembro ang pamilya Pingris.
