Si Senator Juan Miguel Zubiri ang inaasahang magiging susunod na Senate President.
Sa panayam sa kanya ng mga miyembro ng media ngayong Miyerkules ng hapon, July 7, 2022, sinabi niyang pabor siyang palitan at ibalik sa dating pangalan na Manila International Airport (MIA) ang Ninoy Aquino International Airport (NAIA).
“Mas pabor na gawin na lang nating Manila International Airport. Ibalik na lang natin sa original name.
"If no one will agree on a particular family name, kasi siyempre, yellow against red na naman ‘yan, e, di neutral na lang tayo.
"But again, I leave it to the discretion of my colleagues. I can’t make a comment at this time,” sagot ni Zubiri sa tanong sa kanya ng mga reporter.
Malinaw na nagbigay pa rin ng pahayag ang senador tungkol sa isyu, kahit nagsalita siya ng “I can’t make a comment at this time.”
Pinag-usapan at naging sentro ng debate ng mga Pilipino ang mungkahing palitan ang pangalan ng Ninoy Aquino International Airport dahil sa panukala ni Negros Oriental 3rd District Representative Arnolfo Teves Jr.
Ito ay ang House Bill No. 610 na nagsusulong na gawing Ferdinand E. Marcos International Airport ang pambansang paliparan.
Iginiit ni Teves Jr. na proyekto ng dating Pangulo ang NAIA kaya nararapat lamang na ipangalan ito sa ama ng bagong halal na pangulo ng Pilipinas, si Ferdinand Marcos Jr.
“It is more appropriate to rename it to the person who has contributed to the idea and execution of the said noble project. This project was done during the time of the presidency of Ferdinand Marcos Sr.,” sabi ni Teves.
Ngunit mali ang impormasyong nakuha ni Teves na sa panahon ni Marcos Sr. nagsimula at natapos ang construction ng dating Manila International Airport.
Ang construction ng dating MIA ay nagsimula noong termino ni dating Pangulong Manuel Roxas noong 1947. Samantalang ang Terminal 2 ay natapos noong panahon ni dating Pangulong Elpidio Quirino noong 1953.
Ibig sabihin, fully operational na ang NAIA nang umupo sa puwesto si President Marcos Sr.
Tinutulan din ni former Caloocan 2nd District Representative Edgar "Egay" Erice ang panukala ni Teves.
"I believe it’s just in aid of ‘sipsip pa more’ maneuver, freedom-loving Filipinos must be vigilant in any act that will revise our history," sabi ni Erice sa report na inilabas ng politics.com.ph at naka-post sa kanyang official Facebook page.
Naniniwala si Erice na hindi seseryosohin ng mga miyembro ng House of Representatives at ni President Marcos Jr. ang naturang panukala.
Tinutulan din ni former Senator Franklin Drilon ang panukala, sa pamamagitan ng isang opisyal na pahayag na inilabas niya.
Pahayag niya, “I would like to believe that the incoming 19th Congress has more urgent things to do than rename an airport, such as how to arrest inflation and address the surging oil prices.
“There is no compelling reason to change the name of NAIA. Any proposal to rename NAIA will always be seen as political and divisive.
“This obvious attempt for ingratiation is actually a disfavor to President Marcos Jr. It will not augur well with the call for unity of the Marcos administration.
"Leave NAIA alone."