Balak na ng 38-year-old actor na alukin ng kasal ang kanyang girlfriend kaya bumili na siya sa ibang bansa ng engagement ring.
Pero totoong may pakpak ang balita kaya mabilis na kumalat ang plano niya.
Hindi ordinaryong singsing ang pinili ng aktor dahil 3.5-carat diamond engagement ring ang binili niya para sa kanyang mapalad na girlfriend na kilala sa mundong ginagalawan nito.
Sinabi ng Cabinet Files source na tulad ng pagmamahal ng aktor, mahal din ang presyo ng engagement ring na napusuan niyang ibigay sa kanyang girlfriend kapag nag-alok na siya ng kasal.
Tiyak na sasabihin ng aktor sa mga tagahanga nito ang desisyon niyang bumuo ng sariling pamilya dahil ibinabahagi nila ng kanyang girlfriend sa publiko ang mga importanteng pangyayari sa kanilang personal na buhay.
Kapwa nasa wastong edad ang dalawa para magpakasal at boto ang mga kaibigan nilang sila ang magkatuluyan kaya inaasahang mangyayari sa lalong madaling panahon ang marriage proposal ng aktor sa kasintahan niya.