Nilikha ng veteran at multi-awarded composer na si Louie Ocampo ang timeless song na "Tell Me" na pinasikat ni Joey Albert noong 1984 dahil hiniwalayan siya noong 1983 ng kanyang dating girlfriend, ang 15-year-old na si Anna.
Read: Veteran composer Louie Ocampo reveals bittersweet story behind hit song "Tell Me"
Si Anna rin ang inspirasyon ni Louise sa isa sa mga popular na kanta ng APO noong dekada ’80, ang "Anna."
Hindi inililihim ni Louie na mula sa kanyang mga personal na karanasan ang mga komposisyon niya at mas madali sa kanyang gumawa ng mga kanta sa tuwing malungkot siya.
"EWAN"
Isa pa sa mga hindi malilimutang komposisyon ni Louie ay ang "Ewan," na inawit ng APO at second prize winner sa 2nd Metro Manila Popular Music Festival noong 1979.
Nineteen years old lang si Louie nang gawin niya ang melody ng "Ewan."
Ang kanyang girlfriend noon, ang award-winning pianist na si Rowena Arrieta, na 17 years old noon, ang sumulat ng lyrics ng kanta.
Pianist Rowena Arrieta
Ikinuwento ni Louie ang nakatutuwang kasaysayan ng "Ewan" na may kinalaman sa pagmamahalan nila ni Rowena sa naganap na press conference ng Composer Ka Lang, ang 45th anniversary concert ni Louie na itatanghal sa The Theatre ng Solaire sa February 4 at February 5, 2023.
Lahad ng composer, “Rowena Arrieta, we call her Winnie, is pretty gifted. She went to Moscow as a scholar for classical music. She’s also gifted in writing lyrics.
"So, at the time na nililigawan ko siya, actually, yung 'Maghihintay Ako Sa'yo, para sa kanya yun.
“And then, she would inspire me. Nililigawan ko siya and that song 'Ewan,' I composed it for her and she wrote the lyrics.”
Kumpara sa ibang mga sikat na awit na nilikha ni Louie, hindi mapanakit ng damdamin ang lyrics ng "Ewan."
“Why was it titled 'Ewan'? Because I used to ask her, 'Mahal mo ba ako? Mahal mo ba ako?’
“And she would always answer me ‘Ewan!’
“So after a while, napikon na ako, 'Bakit ewan ka nang ewan, e, nagho-holding hands na nga tayo?’
“Tapos sinabi niya, ‘Hindi mo ba alam yung ewan e parang oo na rin?’ So, ang ewan ay katulad na rin ng oo’ng inaasam [bahagi ng lyrics ng 'Ewan'].’"
"MAGHIHINTAY SA'YO"
Samantala, ang 'Maghihintay Ako Sa 'Yo ang unang-unang komposisyon ni Louie na resulta ng panliligaw niya kay Rowena, na 15 years old noong 1977.
Si Anthony Castelo ang umawit ng "Maghihintay Ako Sa 'Yo" na nilagyan ng titik ni Baby Gil, na lyricist din ng classic songs na "Sana’y Maghintay Ang Walang Hanggan" at "Kumusta Ka?"
Kuwento ni Louie, “In 1977, I had a crush noon, nililigawan ko. I didn’t know how to compose pa, to be very honest, and my teacher Mrs. Arambulo was really good, watching us, teaching us.
“Sabi niya, ‘Louie, sige, yung feelings mo, ibuhos mo. I will guide you.’
“To make the long story short, I was able to come up with a song and that was entitled Maghihintay Ako Sa’yo.”
Hinding-hindi malilimutan ni Louie ang araw na nagtagpo sila ni Anthony sa isang music store at nagpabago sa takbo ng kanyang buhay.
“How that song was discovered? I was joining a contest, an electone [electronic organs festival] and I had to go to a store, a music store, because they’re the ones who had that particular instrument that I was going to use. So, doon ako nagpa-practice.
“And then, nakita ko, pumasok si Anthony Castelo, bumibili ng guitar strings.
“Sabi ko sa loob-loob ko, 'Ay, sikat yan ah! Kilala ko yan. Si Anthony Castelo yan.'
“Ang ginawa ko, nilakasan ko ang volume ng instrumento para mapansin niya and, fortunately, lumapit siya sa akin.
“Sabi niya,’ Ang ganda niyan, ah! Anong kanta ‘yan?’
“Sabi ko, 'Composition ko.' 'Ah talaga?' So, kuwento-kuwento.
"Then he asked me, ‘Gusto mo ba i-record natin yan?’
“Ako naman, 'Siyempre! Why not?' At that age, parang ako, totoy na totoy. Sabi ko, 'Please, let’s go!'
“Then he started talking about his family… he said Castelo and then I said Ocampo. He said, ‘Taga-saan ba kayo?’ I said, 'From Cabanatuan.'
"Sabi niya, ‘We’re related kasi si Tito Sotto, ganoon din. Related tayong lahat!’
“From there, I had my very first recorded song 'Maghihintay Ako Sa’yo,' and then the rest followed.”