Naniniwala at walang pag-aalinlangang sinabi ni David Licauco na si Barbie Forteza ang numero unong pinakasikat na babae sa showbiz ngayon.
Ito raw ang dahilan kaya ang kanyang love interest sa phenomenal GMA-7 primetime drama series na Maria Clara at Ibarra ang kinuhang celebrity endorser ng mag-asawang Mario Miguel at Shirleen Bautista para sa whitening at immune-boosting food supplements na Ishin.
Ambassador din si David ng nasabing produkto, at sinabi niya ang kanyang opinyon sa contract signing nila ni Barbie na naganap sa isang events place sa Quezon City ngayong Huwebes ng gabi, January 26, 2023.
David Licauco and Barbie Forteza with Shirleen and Mario Miguel Bautista
Pahayag ng Kapuso hunk, “Number one, maputi siya. Number two, she’s very pretty. She’s bubbly.
"And siyempre, sikat na sikat talaga si Barbie. Ang dami niyang napatunayan.
"Siya ang number one ngayon sa showbiz na babae.
“Totoo naman, di ba?
"I mean, siyempre, yung Maria Clara at Ibarra successful, so it really makes sense for a brand to get someone like Barbie."
Pinasalamatan ni David ang lahat ng mga tumatangkilik sa Maria Clara at Ibarra dahil hindi niya inaasahang magiging popular at susuportahan ng mga tagahanga ang tambalan nila ni Barbie.
Read: Maria Clara at Ibarra's X factor: great storytelling, stellar cast, big-budget production
Saad niya, “As na-develop yung story dahil nagustuhan siya ng fans, dahil sa inyo nandito ako ngayon.
"Dahil kung wala yung fans na sinuportahan ako as Fidel, ang FiLay [Fidel and Klay], I don’t think nandito ako ngayon sa Ishin.
"Salamat sa inyong lahat. Super grateful ako sa inyo."
Tiniyak din ni David na walang dapat ipagselos o ikaalarma ang boyfriend ni Barbie na si Jak Roberto dahil mataas ang kanyang respeto sa kapwa aktor.
“Alam ko yung boundaries ko as a person. Hindi naman ako yung type ng guy na kung may boyfriend yung babae, lalandiin ko or ita-try ko na mag-make ng move. I was never like that.
“Kumbaga, respeto lang din sa relationship nila.
"And yung sa amin naman, sa FiLay, it’s part of the job na mag-promote, and saka si Barbie naman is a good friend.
"Alam naman namin sa isa’t isa yung boundaries na meron kasi, siyempre, meron nga siyang boyfriend. Alam naman namin na work is work,” paliwanag ni David.
Postscript: Si Mario Miguel ay anak ng veteran film critic at entertainment writer na si Mario Bautista.
Mario Bautista (left) with son Mario Miguel (right) and daughter-in-law Shirleen (center)
Inilahad ni Mario Miguel sa naganap na contract signing na kinikilig ang kanyang misis na si Shirleen kina Barbie at David kaya ang dalawa ang kinuha nilang celebrity ambassadors ng Ishin.
“Ang primary reason po talaga kung bakit namin nakuha, kinikilig po ang inyong CEO [Shirleen] kina Barbie at David.
“And of course, I will not be here kung wala yung aking daddy, napakaguwapo, Mr. Mario Bautista. Maraming salamat, Dad, I love you very much!” mensahe niya.