Napaisip si Barbie Forteza nang tanungin siya tungkol sa assurance na ibinibigay niya kay sa kanyang boyfriend na si Jak Roberto para hindi nito pagselosan ang mga aktor na kanyang nakakapareha.
Isa na rito si David Licauco, ang katambal ng 25-year old actress sa Maria Clara at Ibarra, ang top-rating primetime series ng GMA-7 na naglunsad sa kanilang successful "FiLay" loveteam, na hango sa pangalan ng kani-kanilang karakter sa historical portal fantasy series.
“Actually, bigla akong napaisip kasi oo nga, I never needed to assure him. Parang ever since, malaki naman talaga ang tiwala sa akin ni Jak pagdating sa mga ganyang bagay.
“Hindi ko kinailangan na parang patunayan na pagkatiwalaan mo ako. He just understands everything.
“Very patient… naiintindihan kasi ni Jak yung trabaho kasi ganito rin ang trabaho niya, so I’m just lucky to have him,” ang sagot ni Barbie sa panayam sa kanya ng Cabinet Files nang ipakilala siya at si David noong Huwebes, January 26, bilang mga celebrity ambassador ng whitening and immune-boosting food supplements na Ishin.
Sinabi ni Barbie na hindi rin niya naramdaman na nagseselos si Jak at kung sakali man, pa-cute at pahaging na selos lang ang ipinaparamdam nito sa kanya.
Lahad niya, “Mga pa-cute na selos. Yung mga pa-tweetums lang kasi naghahanap ng cuddle pero nothing serious.
“E, siyempre alam naman niya talaga na crush ko si Dennis Trillo [na kasama rin sa cast ng Maria Clara at Ibarra], so nung time na medyo marami kaming scenes together, may mga pa-cute lang naman siya na parang, ‘O, kumusta ka na?’
“Kasi nasa lock-in kami noon, nasa Vigan kami nung time na marami pa kaming eksena ni Dennis Trillo.
“Sabi niya, ‘Kumusta ka naman diyan? Kumusta naman kayo ng crush mo?’
“'Ayun, crush ko pa rin!' Yun lang naman pero nothing serious. Napaka-understanding ni Jak. Very supportive.”
Nagbiro si Barbie na parang ang ganda-ganda niya dahil sa pilit na pag-uugnay sa kanila ni David ng mga masugid na taga-suporta ng FiLay loveteam nila pero good problem ito para sa kanya.
“Parang ang ganda-ganda ko, ‘no? Iba yung kasama sa work, iba yung inuuwian….inuuwian!!!” ang napahalakhak na sabi ni Barbie.
“Hindi naman po ako expert, but it is a good problem. I am really thankful. Siguro it starts with my goal na malinaw naman po talaga ang goal ko ever since, and I am so happy na aware ang GMA, ang Sparkle, sa goal ko na I entered this industry, this business with one goal, I want to become an actress. So everything that comes after that is work.
“Aside from David, I’ve been paired with a lot of GMA leading men before na naging kaibigan ko rin talaga and I cherish my friendship with them.
“Sabi ko nga kahit grabe, napaka-unexpected ng success ng FiLay, hindi ko naman para kalimutan yung lalake [Jak] na nagpasaya sa akin for the past five years and still counting.
“Yung lalakeng kasama ko nung pandemic, nasasabihan ko ng personal struggles ko and all, the one whom I share my victories and struggles with.
“Kumbaga, in-accept din niya ako nang buung-buo at ganoon din ako sa kanya. Hindi ko naman kakalimutan yun because of FiLay, but then and again, I’m so grateful for the success, for this blessing that I share with David right now.
“And we’re very good friends. I’m proud to say that dahil to be honest, dito lang kami sa Maria Clara at Ibarra talaga naging close. Parehas nga kasi kaming introvert, so medyo mahirap mag-approach sa isa’t isa.
“Apart from FiLay, nagpapasalamat ako na dahil sa FiLay, I gained a true friend. Ang dami kong natututunan sa kanya especially sa business.”