Kanselado ang BFF, ang concert ng magkaibigang sina K Brosas at Pokwang, na nakatakda sanang itanghal sa Diversion Amusements sa Las Vegas. Nevada, USA sa April 2, 2023 (April 3, 2023 sa Pilipinas).
Ang dahilan: hindi na nagpakita ang producer nilang si Vince Gesmundo ng Vynz Muzik LLC.
Dahil hindi nabayaran sina Pokwang at K, pansamantalang nakikituloy ang dalawa sa bahay ng isang Pilipino sa Las Vegas na kumupkop sa kanila.
Sa pamamagitan ng kanyang Instagram post, humingi ng paumanhin si Pokwang sa lahat ng mga bumili ng tickets at naperhuwisyo ng sitwasyon na hindi nila kontrolado ni K.
Mensahe niya: “To all of my Kababayans/Kapuso in Las Vegas. On behalf of LX2 management, I regret to inform you that our show BFF concert, which was scheduled on today April 2, 2023, has been canceled.
“We know you we're really looking forward to this. Unfortunately, due to cancellation, my management had no choice but to take this course of action.
“I appreciate your patience and looking forward to do this show again. Maraming salamat po."
Sa Facebook post naman ni K ay ibinahagi niya ang saloobin sa nangyaring kanselasyon ng kanilang concert tour.
Aniya (published as is): "Nakaka iyak.. now lang nangyari sa akin/amin to sa tagal na namin nag to tour.. at nakakahiya sa mga nakabili na ng tx.. pero waa na kaming magagawa as performers.. pasesya na po.."
Kalakip ng mga post nina Pokwang at K ang official statement ng LX2 Entertainment, ang promoter ng Las Vegas show nila.
Nakasaad sa opisyal na pahayag ng LX2 Entertainment na nakansela ang BFF dahil hindi tumupad sa napagkasunduan ang Vynz Muzik LLC.
“LX2 Entertainment Corp. deeply regrets to announce the cancellation of the highly anticipated BFF Live in Las Vegas (the Show) featuring K Brosas and Pokwang in Las Vegas on 02 April 2023 after a thorough and careful evaluation of the circumstances surrounding the contractual breach of the show’s producer, Vynz Muzik LLC.
“We extend our heartfelt apologies for any inconvenience this cancellation may have caused.
“Rest assured, both K Brosas and Pokwang remain dedicated to delivering exceptional performances at each of their shows.We truly appreciate your understanding, affection, and unwavering support for the BFF Show US tour.
“For information regarding refunds, please keep an eye out for updates from the Vynz Muzik LLC.”
Hindi pa naglalabas ng pahayag si Gesmundo tungkol sa mabigat na akusasyon laban sa kanya.
Pero makahulugan ang Facebook post niya ngayong Lunes ng umaga na tila may kinalaman sa kanselasyon ng BFF: “#Kawawa naman #Walang matuluyan? #Nag-iiyakan?" at "Sadya bang pera lang kailangan para magpaligaya?”
Si Gesmundo rin ang producer ng BFF na itinanghal sa Double Tree by Hilton sa Chicago, Illinois, noong April Fools Day, April 1.
Sa Instagram post ni K noong April 1, pinasalamatan pa niya ang lahat ng mga nanood sa Chicago show nila ni Pokwang.
Mensahe ni K: “Salamat po sa Chicago! Full house! Lablablab!”
Pero nagkaroon din sila ni Pokwang ng problema sa Chicago dahil hindi umano kumpleto ang talent fee na ibinayad sa kanila ni Gesmundo.
Sinisikap ng Cabinet Files na makuha ang panig ni Gesmundo tungkol sa isyu ng kanselasyon ng pagtatanghal nina K at Pokwang sa Las Vegas.