Opisyal nang ipinakilala si Matteo Guidicelli bilang bagong Kapuso star.
Nangyari ang pagpapakilala kay Matteo sa Seda Hotel, Vertis North, Quezon City, ngayong Huwebes nang hapon, May 11, 2023.
Bakit napapayag siyang lumipat sa GMA Network?
Sagot ni Matteo: “The negotiations and the meetings started last year, and it did not take place last year because I think the timing was not the perfect timing.
“Sabi ko nga, parang pag-ibig lang ito, good things happen to those who wait.
"So I’m very, very honored and blessed na GMA welcomed me here, especially to the Public Affairs team. It’s incredible, e.”
Itinanong din kay Matteo ang reaksiyon ng kanyang asawang si Sarah Geronimo tungkol sa desisyon niyang lumipat sa GMA-7.
“Masaya! Sabi niya, ‘Love, bagay ka sa Public Affairs,’" pagbabahagi ni Matteo.
"Nung sumali po ako sa army four years ago, sabi ko, sa lahat ng mga project na gagawin ko, pipiliin ko talaga nang matindi.
"Kumbaga, gusto ko yung projects po natin in the future will really represent the Filipino people and tell the stories of the Filipino.
“So, sabi ni Sarah, ‘Love, kita mo bagay. Your prayers were answered.’
“Our prayers were answered because of GMA-7. Maraming salamat."
Ang Unang Hirit, ang early morning program ng Kapuso Network, ang unang proyekto ni Matteo sa kanyang bagong home studio.
Sa October 2023, uumpisahan nila ni Ruru Madrid ang taping para sa The Black Rider, ang primetime hard-action drama series na produksiyon din ng Public Affairs ng GMA Network.