Sang-ayon si Heaven Peralejo sa pahayag ng tiya at ninang niya na si Rica Peralejo na hindi niya ito hinihingan ng payo tungkol sa kanyang showbiz career.
Nakausap ng Cabinet Files si Heaven noong May 5, 2023, sa mediacon ng The Rain in España ang Viva One ten part-series na pinagbibidahan nila ni Marco Gallo.
Bago ito, nakapanayam ng Cabinet Files si Rica noong March 2023.
Sabi noon ni Rica, "Hindi naman siya nanghihingi, at saka, ayoko naman na pakialamera ako. Na magsasabi lang ako.
"I mean, I love her. She’s my inaanak. Pamangkin ko talaga yan. Napakabait niyan.
"Wala naman siyang hinihinging advice. And I don’t think naman na she’s doing a bad job at anything.
"If anything, ang ibinibigay ko sa kanya, encouragement."
READ: Rica Peralejo, hindi nagbibigay ng advice sa pamangking si Heaven Peralejo
Si Rica ang kauna-unahang artista sa kanilang pamilya at nagbukas ng pinto ng showbiz para sa kapatid nitong si Paula at pamangkin na si Heaven.
Pero idiniin ni Heaven na ayaw niyang maabala pa si Rica.
"Totoo naman po," ang reaksyon ni Heaven tungkol sa mga binitiwang-salita ni Rica tungkol sa kanya.
Paliwanag pa ni Heaven: "Ako, kaya hindi naman ako nag-a-ask kasi nandiyan si mom like she’s there to teach and support me.
"Of course, iba kasi ang path ng pag-aartista niya noon, and also, iba na rin ang path ko ngayon.
"Our love for each other, although we don’t talk as much, nandoon pa rin."
READ: Heaven Peralejo on breast augmentation: "Parang di ko naman kailangan."
ON HAVING HER MOM AS HER MANAGER
Kakaiba si Heaven sa mga kabataang artista na gumagawa ng sariling pasya pagdating sa karera.
Mas ipinagkakatiwala niya sa ina na si Shiela Luanne Peralejo-Angeles ang pagdedesisyon sa kanyang trabaho.
Sabi naman ni Heaven, "Yes, I make my decision as well, pero Mom is also my manager.
"Noong bata pa ako, I just want to make my own decisions without consulting them.
"Pero as time passes by, parang nagiging mas close ka sa mom mo. Like any decisions that we will make, I trust her without any judgment.
"Mas ilalagay ka pa niya sa right path at right decision. Yung kaming dalawa, we work hand in hand. We trust each other.
"Although we fight, pero kasama naman yon sa work."
ON APPRECIATING HER MOM
Nagbigay-pugay pa si Heaven sa ina kung gaano siya inaalagaan nito.
"Sa lahat pala, habang tumatanda, the more problems that you go through, the more na makikita mo na yung mom mo.
"Yung mga decision na ginagawa niya, hindi para mawalan ka ng happiness.
"Actually, mas pinoprotektahan ka niya para hindi ka masaktan, kasi itong mundo natin, napakasakit kaya nandiyan siya para protektahan ka," ang kuwento ni Heaven tungkol sa maayos na relasyon nila ng kanyang ina.
At dahil ipagdiriwang bukas, May 14, ang Araw ng mga Dakilang Ina, tinanong namin si Heaven kung gaano nito kamahal ang nanay niya.
Sagot nito, "I can’t even fathom... Kung puwedeng kong ibigay sa kanya ang buong mundo, ibibigay ko. Ganoon ko siya mahal."
More hot stories on PEP.ph:
- Still absent at her 20th anniv concert? Sarah Geronimo has a message to Daddy Delfin, Mommy Divine
- Sarah Geronimo acknowledges G-Force amid rumored rift with Teacher Georcelle
- Heart Evangelista opens up about status of relationship with husband Senator Chiz Escudero
- Winner ng PHP16M lotto jackpot, gumamit ng System 8 sa pagtaya