Ang pagbisita niya sa Unang Hirit ng GMA-7 ngayong Lunes, May 15, 2023, ang unang paglabas ni Michelle Dee sa telebisyon, dalawang araw matapos siyang koronahan bilang Miss Universe Philippines 2023.
Read: Makati’s Michelle Dee crowned Miss Universe Philippines 2023
Ginanap ang grand coronation ng fourth edition ng Miss Universe Philippines sa Mall of Asia Arena noong Sabado, May 13.
Sa panayam sa kanya ng mga host ng Unang Hirit, ikinuwento ni Michelle ang kakaibang pakiramdam niya noong Sabado ng umaga.
“Everything really just aligned. Na-feel ko na talaga siya nung umaga pa lang.
"Kasi iba na talaga yung energy, and I think nakita po siya talaga onstage.
"My calmness is incomparable, like, I wasn’t intimidated. I wasn’t pressured.
"I was just in the moment talaga,” sabi ni Michelle tungkol sa kanyang tagumpay sa pangalawang pagkakataong pagsali niya sa Miss Universe Philippines.
Read: Michelle Dee revamps strategy for second Miss Universe Philippines bid
Muling binanggit ni Michelle sa Unang Hirit ang dahilan ng desisyon ng kanyang paglahok sa isang national beauty pageant sa kabila ng mga pagsubok na pinagdaanan niya.
Saad niya, “Last year I joined, I gave my all and then, obviously, the destiny wasn’t on my side. But this year, I gave it three hundred percent of myself.
“I am still trying to process it kasi siyempre it just happened, like, two days ago. Three months kami, like, tuluy-tuloy talaga.
“I’m just grateful kasi medyo marami po talagang nangyari the past months.
"I was fighting for my life, I was shooting a teleserye, I was taking care of my two autistic siblings, I was like, 'Oh my God, if I pull this off, I should be in the next Wonder Woman film!'"
Ilang araw bago ang grand coronation ay sumailalim sa surgery si Michelle "due to hemorrhage and bleeding."
Read: Michelle Dee in good spirits after successful operation on her birthday
Naging bahagi siya ng Kapuso primetime series na Mga Lihim Ni Urduja.
Pagpapatuloy ng bagong Miss Universe Philippines titleholder: “Coming in to the year, hindi pa ako sure kung gusto kong sumabak ulit.
"Kasi last year, naaksidente both parents ko, I was taking care of the household. And then, of course, ako yung naging primary caregiver ng two autistic siblings ko, kaya hindi talaga ako sure kung kakayanin ko.
"Kasi siyempre, I have to outdid my last performance. And first runner-up na ako noon, so winner na dapat.
“I told myself, I’m going to regret this for the rest of my life. Kasi it’s my last chance to join. Nasa age limit na ako.
"Kaya I was just, like, I will just give my all and if destiny permits, then sa akin mapupunta yung korona.”
Nang tanungin tungkol sa tawag sa kanyang paglalakad na ipinakita sa Miss Universe Philippines stage, "snake walk" ang sagot ni Michelle.
Pero, diumano, ang beauty pageant fans ang nagbigay ng pangalan ng kanyang pasarela.
“Hindi nanggagaling sa queen yung names, ang masa ang nagpangalan.
"When I checked social media, ang daming nangyari after. I didn’t get to check till the next day.
“Yung kumakalat is the snake,” paliwanag ni Michelle.
Ipinaalaala ni Michelle na Serpenta ang pangalan ng karakter na kanyang ginampanan sa Agimat ng Agila, ang drama-fantasy-action series ng GMA-7 na isang taon napanood sa telebisyon, mula May 2021 hanggang May 2022.