Nagkakahalaga ng PHP37,859,000 ang The Midnight Pink Tears of Kylie na suot ni Kylie Verzosa nang dumalo siya sa opening ceremony ng 76th Cannes Film Festival sa Cannes, France noong May 16, 2023.
READ Pia Wurtzbach, Kylie Verzosa make glamorous entrance at 2023 Cannes Film Festival red carpet
Ito ay may 45-carat Rare Pink Pear Cut Precious Tourmaline Gemstone na napapalamutian ng ng finest diamonds na may total carat weight na 43.5.
Hindi ito ang unang pagkakataon na isinuot ni Kylie ang signature diamond necklace ng LVNA by Drake Dustin dahil ginamit rin niya ang mamahaling kuwintas nang parangalan siya na best actress sa Distinctive International Arab Festival Awards sa Dubai noong November 2022.
"The Midnight Pink Tears" ang orihinal na pangalan ng mamahaling kuwintas, pero ni-remount, ni-redesign, at binigyan ito ng bagong pangalan bilang pagpupugay sa kanya ng LVNA.
READ Kylie Verzosa's favorite bling is a Lvna necklace worth PHP24.5 million
"It represents Kylie's tenacity and nonetheless serves as a symbol of both the challenges and successes that women face in patriarchal societies,” ang pagsasalarawan ni LVNA CEO Drake Dustin Ibay sa kuwintas na ipinangalan niya sa isa sa mga celebrity ambassador ng kanyang jewelry brand.
Nang tanungin ng Cabinet Files ang halaga ng mga alahas—kuwintas at hikaw—na suot ni Kylie sa 76th Cannes, "Fifty million pesos" ang sagot ni Drake Dustin.
Personal na inimbitahan si Kylie na dumalo sa nabanggit na prestigious international film festival nang manalo siya na best actress sa DIAFA noong nakaraang taon para sa kanyang mahusay na pagganap sa Philippine adaptation ng The Housemaid.
Kinilala ng Vogue Scandinavia si Kylie bilang isa sa mga best-dressed star na naglakad sa red carpet ng opening ceremony ng 76th Cannes Film Festival.
Surreal ang pakiramdam ni Kylie sa ilang beses na pagrampa niya sa 76th Cannes Film Festival [ sa opening ceremony at sa premiere ng Black Flies, ang pelikula ni Sean Penn.
Pero hindi pa nagsasalita ang former Miss International tungkol sa balitang gagawa siya ng pelikula na isasali sa Cannes Film Festival sa susunod na taon.