Hindi na kagulat-gulat sa entertainment industry ang rebelasyon ni Miss Universe Philippines 2023 Michelle Marquez Dee na bisexual siya.
Kumpirmasyon o validation na lamang ng matagal nang mga haka-haka, sa loob ng showbiz industry, ang pagtatapat ni Michelle tungkol sa kanyang tunay na pagkatao.
Ginawa ni Michelle ang kanyang opisyal na rebelasyon sa panayam sa kanya sa special issue ng MEGA Magazine.
Bahagi ng pahayag ng beauty queen: “I definitely identify myself as bisexual.
"I’ve identified with that for as long as I can remember. I’m attracted to all forms of beauty, all shapes and sizes.
“My mom would say, 'O, anak, when I was young, I had five girlfriends.’
“She’d teased me sometimes because I had a very boyish demeanor."
Si Michelle ay anak ni Miss International 1979 Melanie Marquez.
Ang paglantad ni Michelle ang kumpirmasyon din na siya ang pangalawang Miss Universe Philippines winner na openly bisexual. Nauna nang umamin si Miss Universe Philippines 2021 Beatrice Luigi Gomez noong kandidata pa lamang ito ng naturang beauty pageant.
PAST RUMORED ROMANCE WITH MIKEE QUINTOS
Ang pag-amin ni Michelle tungkol sa sexual orientation niya ang posibleng maging dahilan para maungkat ang isyung nagkaroon sila ng romantic relationship ng kanyang fellow Kapuso actress na si Mikee Quintos, na girlfriend ngayon ng aktor na si Paul Salas.
Sa exclusive interview ng PEP.ph kay Michelle noong April 19, 2019, tahasan niyang itinanggi ang tsismis na nag-uugnay sa kanila ni Mikee at ang mga espekulasyong tomboy siya.
Read: Michelle Dee quashes lesbian rumors, alleged relationship with Mikee Quintos
Saad niya, “First time ko marinig yan in an interview question and I wasn’t aware about all of that.
“We’re very good friends since high school.
"We’re very close since high school kasi our barkadas are very tightly-knit so we basically grew up… since first year, second year high school, we’ve known each other,”
Aminado si Michelle na boyish siya noon dahil lumaki siya sa rancho at nakahiligan niya ang pangangabayo.
Nagpahayag si Michelle ng kalungkutan dahil sa kumakalat noong balita na higit pa sa pagiging magkaibigan ang relasyon nila ni Mikee kaya nagbitaw siya ng pakiusap.
“Sana po yung mga tao, hindi na lang ipagkalat yung mga something na hindi naman totoo kasi mahirap naman po, knowing the industry, ang bilis kumalat yung mga ganung issues.
“Uhm... I’ve never been in a relationship so hindi ko alam kung bakit na-misinterpret ng mga tao yung closeness namin ni Mikee,” mensahe ni Michelle para sa mga nang-iintriga sa kanya.
Pero makalipas ang apat na taon, nagpakatotoo na ang beauty queen-actress sa publiko dahil sa deklarasyon niyang bisexual siya, ilang linggo matapos ang kanyang koronasyon bilang Miss Universe Philippines 2023.