Ang Instagram post ni Joey de Leon ngayong Linggo ng umaga, June 4, 2023, ang lalong nagpatibay sa mga hinala na lilipat ang TVJ sa TV5.
Ito ay matapos ang pagkalas nina Tito Sotto, Vic Sotto, at Joey de Leon (TVJ) sa TAPE Inc. noong Miyerkules, May 31, 2023.
"Sabi ko noon, we are not signing off, we are just taking a day-off," bungad ni Joey.
Sabay dagdag niya, "In other words, pahinga muna. In Engish, TAKE FIVE!"
Malaman ang "TAKE FIVE" na hirit ni Joey.
Tila pahiwatig ito na totoo ang mga haka-hakang magkakaroon ang TVJ ng show sa Kapatid Network, mapa-noontime man o ibang timeslot.
WHAT TITO SAID THREE DAYS AGO
Sa ambush phone interview kay Tito ng PEP.ph (Philippine Entertainment Portal) noong June 1, itinanggi niya na pumirma na ang TVJ ng kontrata sa TV5.
"Magdedesisyon pa lang kami kung lilipat kami ng TV5 in the next few days. We will decide today, or tomorrow… magmi-meeting muna kami.
"Kasi meron din kaming mga offers from the other stations," ang pahayag ni Tito.
May mga naniwala sa sinabi ni Tito, pero may mga nag-alinlangan sa kanyang deklarasyon.
WILL TVJ MAKE ITS COMEBACK THIS MONTH?
May mga masugid na sumusubaybay sa isyu ang buo ang paniniwala na hindi basta aalis sa TAPE ang TVJ kung walang kapalit na programang lilipatan ang tatlo.
Isang insider ang nagsabi na may mga "movement" na nagaganap sa TV5 Network tulad ng lipatan — ng mga programa sa ibang mga studio — na indikasyon umano na may bagong papasok na television show.
Pero walang kumpirmasyon kung ito na nga ang noontime project nina Tito, Vic at Joey.
Sa panayam nina Julius Babao at Tintin Bersola kay Tito, nagsalita siya na hindi puwedeng matagalan ang pagbabalik nila nina Joey at Vic sa telebisyon.
Hindi raw maaaring mawalan ng trabaho ang mga tao na sumama sa kanilang pag-alis sa TAPE.
May haka-haka kasi na July 30 puwedeng bumalik sa ere ang TVJ dahil iyon ang 44th anniversary ng Eat Bulaga!
Sagot ni Tito: "Ay, hindi siguro. Hindi tatagal nang ganoon. Hopefully, very soon kasi ayaw naming mawalan ng trabaho yung mga production staff.
"At saka yung mga empleyado, mga ibang crew, mga cameraman, ayaw naming mawalan ng trabaho," ang sabi ni Tito
MORE RELATED STORIES ON #EATBULAGAWAR
- EXCLUSIVE Part 1: Tito Sotto drops bombs on those warring with 'Eat Bulaga!'
- EXCLUSIVE Part 2: Tito Sotto on Jalosjos family meddling in 'Eat Bulaga!' production: "Di nga namin sila nakita ng 43 years!"
- Tito Sotto on the day TVJ left TAPE: "Parang sila ang may-ari sa amin. Nakakapikon na."
- (UPDATED) Tito Sotto reveals "exodus" of Eat Bulaga! hosts, production staff from TAPE
- Tito Sotto says transfer to TV5 not a done deal; other options on the table
- TAPE Inc. issues statement on Tito Sotto, Vic Sotto, Joey de Leon's departure
- Joey de Leon draws flak for “Francise M” joke
- TAPE Inc. issues statement on Tito Sotto, Vic Sotto, Joey de Leon's departure
- Joey de Leon: “We’re not signing off… We’re just taking a day off!”
- FULL TRANSCRIPT: Tito Sotto reveals untold details about internal issues in 'Eat Bulaga!'
- TVJ & Tony Tuviera applied as one group for Eat Bulaga! trademark
- Tito Sotto claims TVJ owns Eat Bulaga! trademark
- Kim Atienza, kinukuhang "Eat Bulaga" host?; Paolo, Buboy, Betong, kasado na?